Fjarlægir húðflúr með nafni fyrrverandi eiginmannsins

Leikkonan Melanie Griffith og leikarinn Antonio Banderas skildu fyrr á þessu ári. Nú er Melanie komin vel á veg með að fjarlægja húðflúr með nafni hans sem prýddi upphandlegg hennar.

Á mánudag sást hún með umbúðir um handlegginn þar sem húðflúrið var en nokkur skipti tekur að fjarlægja húðflúr.

Melanie og Antonio giftu sig í maí árið 1996 og eiga saman dótturina Stellu, sautján ára.

Parið sendi frá sér fréttatilkynningu í júní og staðfesti orðróm um að þau væru að skilja. Viku eftir það sást Melanie á viðburði með húðflúrið.