Viðskipti innlent

Kröfu Icelandair og Isavia um álit EFTA hafnað

Bjarki Ármannsson skrifar
Wow sakaði Isavia um að hygla Icelandair í úthlutun afgreiðslutíma.
Wow sakaði Isavia um að hygla Icelandair í úthlutun afgreiðslutíma. Vísir/GVA
Héraðsdómur Reykjavíkur hafnaði í dag kröfu Isavia og Icelandair þess efnis að EFTA-dómstóllinn yrði fenginn til að veita ráðgefandi álit í máli sem flugfélagið Wow air höfðaði gegn þeim. Málið snýst um úthlutun Isavia á afgreiðslutímum á Keflavíkurflugvelli.

Wow kærði Isavia og Icelandair til Samkeppniseftirlitsins á síðasta ári. Wow þótti á sig hallað í úthlutun afgreiðslutíma er félagið ætlaði í samkeppni við Icelandair í flugi til Norður-Ameríku. Málinu var vísað frá héraðsdómi í maí en þeirri ákvörðun áfrýjað og úrskurðaði Hæstiréttur að það skyldi tekið fyrir á ný.

RÚV greinir frá því að kröfunni hafi verið hafnað í dag, en þar segir einnig að líklegt sé talið að ákvörðuninni verði áfrýjað.


Tengdar fréttir

WOW Air þarf að hætta við Ameríkuflug

WOW Air er að öllu óbreyttu hætt við áætlunarflug til Norður-Ameríku. Forstjóri félagsins er harðorður í garð rekstaraðila Keflavíkurflugvallar.

Samkeppniseftirlitið úrskurðar WOW air í hag

Samkeppniseftirlitið hefur beint þeim fyrirmælum til Isavia að tryggja WOW Air aðgang að samkeppnislega mikilvægum afgreiðslutíma fyrir flugvélar á Keflavíkurflugvelli. Isavia ber ábyrgð á rekstri flugvallarins. Þetta kom fram í ákvörðun Samkeppniseftirlitsins sem birt var í dag.

Sakar Isavia um að hygla Icelandair

Skúli Mogensen, forstjóri WOW Air, sakar rekstraraðila Keflavíkurflugvallar um að draga taum Icelandair í úthlutun á afgreiðslutímum. WOW gæti þurft að draga sig úr samkeppninni í Norður-Ameríkuflugi fái flugfélagið ekki afgreiðslutíma til jafns við Icelandair.



Mest lesið


Fleiri fréttir

Sjá meira


×

Mest lesið