Gunnar Páll: Aníta í sínu allra besta formi 22. júlí 2014 07:00 Aníta Hinriksdóttir verður í harðri baráttu um verðlaun í Eugene. vísir/vilhelm Í dag hefur Aníta Hinriksdóttir keppni á HM nítján ára og yngri í Bandaríkjunum en keppt er á hinum sögufræga frjálsíþróttavelli í Eugene í Oregon-fylki. Alls á Ísland fimm keppendur á mótinu en Aníta keppir fyrst þegar undanrásir hefjast í 800 m hlaupi í dag. Undanúrslit fara fram á morgun og úrslitahlaupið aðfaranótt föstudags. Gunnar Páll Jóakimsson er þjálfari Anítu og í forsvari fyrir íslenska hópinn í Eugene. Hann segir að undirbúningur hafi gengið vel en Aníta hefur síðustu daga æft í nágrannabænum Salem. „Þar vorum við með þýska og svissneska landsliðinu og allt eins og best verður á kosið,“ sagði Gunnar Páll í samtali við Fréttablaðið í gær. „Andinn í hópnum er mjög góður og allir hér eru tilbúnir til að gera sitt besta.“Á að toppa í Eugene Aníta er ríkjandi heimsmeistari sautján ára og yngri í greininni sem og Evrópumeistari nítján ára og yngri eftir frábært keppnistímabil í fyrra. Hennar besta hlaup var þó á sterku móti í Mannheim þar sem hún bætti Íslandsmet sitt í greininni sem stendur enn. Gunnar Páll hefur þó ekki áhyggjur af því að Aníta hefur ekki verið nálægt sínum allra besta tíma í sumar. Það eigi sér eðlilegar skýringar. „Til þess að ná sínu allra besta þarf að taka þátt í hlaupum þar sem samkeppnin er sem mest. Við hefðum getað elt 1-2 svoleiðis mót í sumar en ákváðum frekar að miða allan undirbúning við þetta mót. Nú er hún í sínu allra besta formi,“ segir Gunnar Páll. Alls eiga sex stúlkur betri tíma en Aníta í greininni á þessu ári en í þeim hópi eru aðeins tvær sem eiga betri tíma á árinu en Íslandsmet Anítu, 2:00,49 mínútur. Þær eru Sahily Diago frá Kúbu og hin enska Jessica Judd, sem er ekki meðal þátttakenda í Eugene þar sem hún býr sig nú undir Samveldisleikana í Glasgow.vísir/daníelMary Cain frá Bandaríkjunum er einnig í þessum hópi en valdi að keppa fremur í 3.000 metra hlaupi en 800 metrum. Hið sama má segja um Gildu Casanovu frá Kúbu sem keppir í 400 m hlaupi. Auk Diago eru Zeytuna Mohammed frá Eþíópíu og hin ástralska Georgia Wassall báðar með í 800 m hlaupinu og má reikna með að þær muni veita Anítu harða samkeppni um verðlaun í greininni. Diago á best 1:57,74 mínútur sem var um tíma besti tími ársins í flokki fullorðinna. Hún telst því sigurstranglegust í Eugene en Gunnar Páll reiknar þó ekki með yfirburðum hennar. „Þó svo að hún eigi talsvert betri tíma en aðrir þá tel ég allar líkur á að keppnin í greininni verði mjög jöfn,“ segir hann.Sterkur íslenskur hópur Gunnar Páll hefur fengið sterk viðbrögð við því hversu sterkan hóp keppenda Ísland á að þessu sinni. Sindri Hrafn Guðmundsson [spjótkast], Hilmar Örn Jónsson [sleggjukast], Jóhann Björn Sigurbjörnsson og Kolbeinn Höður Gunnarsson [báðir 200 m hlaup] verða einnig í eldlínunni og vonar Gunnar Páll að þeir tveir fyrstnefndu geti blandað sér í baráttu um verðlaun. „Þeir eiga báðir góðan möguleika á að komast í úrslit og þá getur allt gerst. Reynsla þeirra af stórmótum er ekki jafn mikil og reynsla Anítu en þeir geta vel náð langt. Spretthlaupararnir hafa sýnt miklar framfarir þó svo að við reiknum ekki með þeim í úrslitum. Þeir hafa engu að síður staðið sig gríðarlega vel,“ segir Gunnar Páll og bætir við að fjöldi keppenda sé styrkleiki út af fyrir sig. „Þau veita hvert öðru mikinn stuðning,“ segir hann.Eiríkur Stefán Ásgeirsson Frjálsar íþróttir Mest lesið Fótboltastrákur lést eftir hnéaðgerð Fótbolti „Er dómarinn bara alltaf í símanum?“ Sport Barnsmóðir NBA stjörnu hótaði að láta skera af honum puttana Sport „Nú hljóta viðvörunarbjöllur að hringja“ Fótbolti Forsetabikarinn rann Íslandi úr greipum Handbolti Byrjar meðferð vegna brjóstakrabbameins Handbolti Í beinni: Serbía - Ísland | Er allt klárt fyrir EM? Fótbolti Cristiano Ronaldo sagður fá 143 milljónir í laun á dag Fótbolti Nýtt heimsmet sett: „Sé því að ég á að geta gert miklu betur“ Sport Sjáðu ótrúlegt slysamark gegn fyrstu mótherjum Íslands á EM Fótbolti Fleiri fréttir Í beinni: Serbía - Ísland | Er allt klárt fyrir EM? Glódís byrjar gegn Serbum á þrjátíu ára afmælisdegi sínum Sjáðu ótrúlegt slysamark gegn fyrstu mótherjum Íslands á EM Obbekjær hentaði Blikum ekki og fer aftur til Færeyja Forsetabikarinn rann Íslandi úr greipum Liðsfélagi hjá AGF sannfærði Mikael um að semja við Djurgården Fotios spilar 42 ára með Fjölni „Er dómarinn bara alltaf í símanum?“ „Við erum bara búin að fara í eina átt og það er upp“ „Nú hljóta viðvörunarbjöllur að hringja“ Einar tekur við Víkingum Pogba og Fati mættir til Mónakó Sjáðu allan þáttinn um Norðurálsmótið Nýtt heimsmet sett: „Sé því að ég á að geta gert miklu betur“ Mikael orðinn leikmaður Djurgården Alexander Máni seldur til Midtjylland Byrjar meðferð vegna brjóstakrabbameins „Menn fundu aftur hvernig það er að vera í góðu liði“ Real rústaði Salzburg og vann riðilinn Barnsmóðir NBA stjörnu hótaði að láta skera af honum puttana Fótboltastrákur lést eftir hnéaðgerð Dagskráin: Besta deildin, formúla, golf og pílukast Cristiano Ronaldo sagður fá 143 milljónir í laun á dag „Ég sé Messi ekki missa af HM 2026“ „Ef það verður ekki ég þá verður það bara einhver önnur“ Var uppi í áhorfendastúku þegar nafn hans var kallað upp í nýliðavali NBA Nýr liðsfélagi Íslendinganna hjá HamKam æfði undir fölsku nafni Njarðvíkingar með montréttinn í Reykjanesbæ og toppsæti deildarinnar City vann riðilinn og sleppur líklega við Real Madrid Færeyingar í undanúrslitin á HM og gætu mætt Dönum í úrslitaleiknum Sjá meira
Í dag hefur Aníta Hinriksdóttir keppni á HM nítján ára og yngri í Bandaríkjunum en keppt er á hinum sögufræga frjálsíþróttavelli í Eugene í Oregon-fylki. Alls á Ísland fimm keppendur á mótinu en Aníta keppir fyrst þegar undanrásir hefjast í 800 m hlaupi í dag. Undanúrslit fara fram á morgun og úrslitahlaupið aðfaranótt föstudags. Gunnar Páll Jóakimsson er þjálfari Anítu og í forsvari fyrir íslenska hópinn í Eugene. Hann segir að undirbúningur hafi gengið vel en Aníta hefur síðustu daga æft í nágrannabænum Salem. „Þar vorum við með þýska og svissneska landsliðinu og allt eins og best verður á kosið,“ sagði Gunnar Páll í samtali við Fréttablaðið í gær. „Andinn í hópnum er mjög góður og allir hér eru tilbúnir til að gera sitt besta.“Á að toppa í Eugene Aníta er ríkjandi heimsmeistari sautján ára og yngri í greininni sem og Evrópumeistari nítján ára og yngri eftir frábært keppnistímabil í fyrra. Hennar besta hlaup var þó á sterku móti í Mannheim þar sem hún bætti Íslandsmet sitt í greininni sem stendur enn. Gunnar Páll hefur þó ekki áhyggjur af því að Aníta hefur ekki verið nálægt sínum allra besta tíma í sumar. Það eigi sér eðlilegar skýringar. „Til þess að ná sínu allra besta þarf að taka þátt í hlaupum þar sem samkeppnin er sem mest. Við hefðum getað elt 1-2 svoleiðis mót í sumar en ákváðum frekar að miða allan undirbúning við þetta mót. Nú er hún í sínu allra besta formi,“ segir Gunnar Páll. Alls eiga sex stúlkur betri tíma en Aníta í greininni á þessu ári en í þeim hópi eru aðeins tvær sem eiga betri tíma á árinu en Íslandsmet Anítu, 2:00,49 mínútur. Þær eru Sahily Diago frá Kúbu og hin enska Jessica Judd, sem er ekki meðal þátttakenda í Eugene þar sem hún býr sig nú undir Samveldisleikana í Glasgow.vísir/daníelMary Cain frá Bandaríkjunum er einnig í þessum hópi en valdi að keppa fremur í 3.000 metra hlaupi en 800 metrum. Hið sama má segja um Gildu Casanovu frá Kúbu sem keppir í 400 m hlaupi. Auk Diago eru Zeytuna Mohammed frá Eþíópíu og hin ástralska Georgia Wassall báðar með í 800 m hlaupinu og má reikna með að þær muni veita Anítu harða samkeppni um verðlaun í greininni. Diago á best 1:57,74 mínútur sem var um tíma besti tími ársins í flokki fullorðinna. Hún telst því sigurstranglegust í Eugene en Gunnar Páll reiknar þó ekki með yfirburðum hennar. „Þó svo að hún eigi talsvert betri tíma en aðrir þá tel ég allar líkur á að keppnin í greininni verði mjög jöfn,“ segir hann.Sterkur íslenskur hópur Gunnar Páll hefur fengið sterk viðbrögð við því hversu sterkan hóp keppenda Ísland á að þessu sinni. Sindri Hrafn Guðmundsson [spjótkast], Hilmar Örn Jónsson [sleggjukast], Jóhann Björn Sigurbjörnsson og Kolbeinn Höður Gunnarsson [báðir 200 m hlaup] verða einnig í eldlínunni og vonar Gunnar Páll að þeir tveir fyrstnefndu geti blandað sér í baráttu um verðlaun. „Þeir eiga báðir góðan möguleika á að komast í úrslit og þá getur allt gerst. Reynsla þeirra af stórmótum er ekki jafn mikil og reynsla Anítu en þeir geta vel náð langt. Spretthlaupararnir hafa sýnt miklar framfarir þó svo að við reiknum ekki með þeim í úrslitum. Þeir hafa engu að síður staðið sig gríðarlega vel,“ segir Gunnar Páll og bætir við að fjöldi keppenda sé styrkleiki út af fyrir sig. „Þau veita hvert öðru mikinn stuðning,“ segir hann.Eiríkur Stefán Ásgeirsson
Frjálsar íþróttir Mest lesið Fótboltastrákur lést eftir hnéaðgerð Fótbolti „Er dómarinn bara alltaf í símanum?“ Sport Barnsmóðir NBA stjörnu hótaði að láta skera af honum puttana Sport „Nú hljóta viðvörunarbjöllur að hringja“ Fótbolti Forsetabikarinn rann Íslandi úr greipum Handbolti Byrjar meðferð vegna brjóstakrabbameins Handbolti Í beinni: Serbía - Ísland | Er allt klárt fyrir EM? Fótbolti Cristiano Ronaldo sagður fá 143 milljónir í laun á dag Fótbolti Nýtt heimsmet sett: „Sé því að ég á að geta gert miklu betur“ Sport Sjáðu ótrúlegt slysamark gegn fyrstu mótherjum Íslands á EM Fótbolti Fleiri fréttir Í beinni: Serbía - Ísland | Er allt klárt fyrir EM? Glódís byrjar gegn Serbum á þrjátíu ára afmælisdegi sínum Sjáðu ótrúlegt slysamark gegn fyrstu mótherjum Íslands á EM Obbekjær hentaði Blikum ekki og fer aftur til Færeyja Forsetabikarinn rann Íslandi úr greipum Liðsfélagi hjá AGF sannfærði Mikael um að semja við Djurgården Fotios spilar 42 ára með Fjölni „Er dómarinn bara alltaf í símanum?“ „Við erum bara búin að fara í eina átt og það er upp“ „Nú hljóta viðvörunarbjöllur að hringja“ Einar tekur við Víkingum Pogba og Fati mættir til Mónakó Sjáðu allan þáttinn um Norðurálsmótið Nýtt heimsmet sett: „Sé því að ég á að geta gert miklu betur“ Mikael orðinn leikmaður Djurgården Alexander Máni seldur til Midtjylland Byrjar meðferð vegna brjóstakrabbameins „Menn fundu aftur hvernig það er að vera í góðu liði“ Real rústaði Salzburg og vann riðilinn Barnsmóðir NBA stjörnu hótaði að láta skera af honum puttana Fótboltastrákur lést eftir hnéaðgerð Dagskráin: Besta deildin, formúla, golf og pílukast Cristiano Ronaldo sagður fá 143 milljónir í laun á dag „Ég sé Messi ekki missa af HM 2026“ „Ef það verður ekki ég þá verður það bara einhver önnur“ Var uppi í áhorfendastúku þegar nafn hans var kallað upp í nýliðavali NBA Nýr liðsfélagi Íslendinganna hjá HamKam æfði undir fölsku nafni Njarðvíkingar með montréttinn í Reykjanesbæ og toppsæti deildarinnar City vann riðilinn og sleppur líklega við Real Madrid Færeyingar í undanúrslitin á HM og gætu mætt Dönum í úrslitaleiknum Sjá meira