Treyja Gylfa fór á 200.000 krónur

Hagaskóli stóð fyrir góðgerðardegi í gær í húsakynnum sínum en markmiðið var að safna peningum fyrir tvenn góðgerðarsamtök. Verkefnið kallast Gott mál eða Unglingar fyrir unglinga og er þetta í sjötta skiptið sem skólinn stendur fyrir góðgerðardeginum.

Dagskráin var fjölbreytt en á meðal áhugaverðustu dagskrárliðanna var uppboð á landsliðstreyjunni sem Gylfi Sigurðsson lék í á móti Hollandi fyrir skömmu. Treyjan fór á 200.000 þúsund krónur og Creditinfo átti hæsta boð. Þorsteinn J sá um að stýra uppboðinu.

Í ár kusu nemendur að styrkja krabbameinsdeild Landspítalans og neyðaraðstoð við börn á Gasasvæðinu. Síðast styrktu nemendurnir SOS Barnaþorp og Barnaheill og söfnuðust þá rúmar 2,2 milljónir króna.

Hér fyrir neðan má sjá frétt Stöðvar 2 um málið frá því fyrr í kvöld.