Sváfu aldrei saman en döðruðu mikið

Sögusagnir um meint ástarsamband á milli tónlistarfólksins Kenny Rogers og Dolly Parton hafa verið við lýði áratugum saman en Kenny segir í viðtali við Dan Rather að þau Dolly hafi aldrei sofið saman, heldur aðeins daðrað mikið við hvort annað.

„Við döðruðum við hvort annað í þrjátíu ár og þannig varð sambandið enn rafmagnaðra. Ég held að samband tapi svo miklu ef maður fullkomnar það með kynlífi. Við trúum bæði þeirri kenningu þannig að við döðruðum mikið fyrir framan þjóðina en það var aldrei neitt meira,“ segir hann en viðtalið verður sýnt vestan hafs í kvöld.

31 ár er síðan Kenny og Dolly sungu Islands in the Stream og er vináttan enn jafn sterk. En hvað elskar Kenny mest við Dolly?

„Dolly er ekki með neinn filter - ef hún hugsar eitthvað kemur það út um munn hennar og hún staldrar ekki við til að hugsa: Kannski ætti ég ekki að segja þetta.“