Mikið stuð í mönnum Gunnar Leó Pálsson skrifar 9. september 2014 13:30 mynd/daníel Stuðmenn Tívolí Tónleikar Eldborg í Hörpu 6. september Ein skemmtilegasta og vinsælasta hljómsveit Íslandssögunnar, Stuðmenn lagði undir sig Hörpu um liðna helgi þegar sveitin kom fram á tvennum tónleikum í Eldborgarsalnum og á dansleik í Silfurbergi. Undirritaður fór á fyrri tónleika kvöldsins sem hófust klukkan 19.30 og var salurinn þétt setinn. Efni tónleikana var eins og titillinn gefur til kynna, Tívólí plata sveitarinnar sem kom út árið 1976. Platan er góð en mér finnst hún þó ekki vera besta plata Stuðmanna en lögin voru leikin af mikilli fagmennsku og greinilegt að mikið hefur verið lagt í æfingar og undirbúning. Umgjörðin var til fyrirmyndar og mátti um tíma halda að maður væri staddur í tívolíi. Benedikt Erlingsson leikstýrði tónleikunum og tókst vel til því tónleikarnir voru virkilega flott show og mikið að gerast á sviðinu. Stuðmenn voru þó yfirvegaðir í sinni spilamennsku og fannst mér um stund meðlimir sveitarinnar fullrólegir en ég skil þó vel að ekki hafi verið hægt að nýta alla sína krafta á fyrri tónleikunum, enda mikil spilamennska framundan. Á milli laga var yfirleitt hlegið dátt, þegar meðlimir sveitarinnar, þá helst Valgeir Guðjónsson, Jakob Frímann Magnússon og Egill Ólafsson létu út úr sér mörg gullkornin, skemmtilegar sögur og brandara. Þá átti bassaleikarinn Tómas Tómasson einnig góða framsögu. Fyrir þá sem fóru á tónleikana til þess að heyra þekktustu lög sveitarinnar hafa tónleikarnir líklega ekki vakið jafn mikla lukku en þeir sem þekkja Tívolí plötuna hafa líklega skemmt sér betur. Haustið 2012 hélt sveitin tónleika undir yfirskriftinni Með allt á hreinu þar sem sú plata var í forgrunni, nú hefur Tívolí platan verið flutt og má því vænta að Sumar á Sýrlandi platan sé næst á dagskrá.Niðurstaða: Fágaðir tónleikar Stuðmanna þar sem mikið var um að vera á sviðinu og minntu tónleikarnir um stund á leiksýningu. Stuðmenn voru rólegir og gerðu það sem þeir þurftu að gera til að skila sínu. Skemmtilegar sögur og brandarar á milli laga gerðu góða tónleika enn betri. Gagnrýni Mest lesið Margbraut á sér ökklann á Snæfellsjökli Lífið Söngkonan Jill Sobule lést í húsbruna Lífið Segist hafa gert merka uppgötvun nú þegar hann „nálgast endalok lífs“ síns Lífið 50+: Tómleikatilfinningin þegar börnin fljúga úr hreiðrinu Áskorun Batinn á vefjagigt kom úr óvæntri átt Lífið samstarf Dóttir De Niro kemur út sem trans Lífið „Þetta er lúmskt skrímsli“ Lífið Rapphljómsveit til rannsóknar hjá hryðjuverkadeildinni Lífið Gengst við kókaínfíkn sinni Lífið Justin Bieber nýtur sín norður í landi Lífið Fleiri fréttir Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira
Stuðmenn Tívolí Tónleikar Eldborg í Hörpu 6. september Ein skemmtilegasta og vinsælasta hljómsveit Íslandssögunnar, Stuðmenn lagði undir sig Hörpu um liðna helgi þegar sveitin kom fram á tvennum tónleikum í Eldborgarsalnum og á dansleik í Silfurbergi. Undirritaður fór á fyrri tónleika kvöldsins sem hófust klukkan 19.30 og var salurinn þétt setinn. Efni tónleikana var eins og titillinn gefur til kynna, Tívólí plata sveitarinnar sem kom út árið 1976. Platan er góð en mér finnst hún þó ekki vera besta plata Stuðmanna en lögin voru leikin af mikilli fagmennsku og greinilegt að mikið hefur verið lagt í æfingar og undirbúning. Umgjörðin var til fyrirmyndar og mátti um tíma halda að maður væri staddur í tívolíi. Benedikt Erlingsson leikstýrði tónleikunum og tókst vel til því tónleikarnir voru virkilega flott show og mikið að gerast á sviðinu. Stuðmenn voru þó yfirvegaðir í sinni spilamennsku og fannst mér um stund meðlimir sveitarinnar fullrólegir en ég skil þó vel að ekki hafi verið hægt að nýta alla sína krafta á fyrri tónleikunum, enda mikil spilamennska framundan. Á milli laga var yfirleitt hlegið dátt, þegar meðlimir sveitarinnar, þá helst Valgeir Guðjónsson, Jakob Frímann Magnússon og Egill Ólafsson létu út úr sér mörg gullkornin, skemmtilegar sögur og brandara. Þá átti bassaleikarinn Tómas Tómasson einnig góða framsögu. Fyrir þá sem fóru á tónleikana til þess að heyra þekktustu lög sveitarinnar hafa tónleikarnir líklega ekki vakið jafn mikla lukku en þeir sem þekkja Tívolí plötuna hafa líklega skemmt sér betur. Haustið 2012 hélt sveitin tónleika undir yfirskriftinni Með allt á hreinu þar sem sú plata var í forgrunni, nú hefur Tívolí platan verið flutt og má því vænta að Sumar á Sýrlandi platan sé næst á dagskrá.Niðurstaða: Fágaðir tónleikar Stuðmanna þar sem mikið var um að vera á sviðinu og minntu tónleikarnir um stund á leiksýningu. Stuðmenn voru rólegir og gerðu það sem þeir þurftu að gera til að skila sínu. Skemmtilegar sögur og brandarar á milli laga gerðu góða tónleika enn betri.
Gagnrýni Mest lesið Margbraut á sér ökklann á Snæfellsjökli Lífið Söngkonan Jill Sobule lést í húsbruna Lífið Segist hafa gert merka uppgötvun nú þegar hann „nálgast endalok lífs“ síns Lífið 50+: Tómleikatilfinningin þegar börnin fljúga úr hreiðrinu Áskorun Batinn á vefjagigt kom úr óvæntri átt Lífið samstarf Dóttir De Niro kemur út sem trans Lífið „Þetta er lúmskt skrímsli“ Lífið Rapphljómsveit til rannsóknar hjá hryðjuverkadeildinni Lífið Gengst við kókaínfíkn sinni Lífið Justin Bieber nýtur sín norður í landi Lífið Fleiri fréttir Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira