Tónlist

Styðja við fórnarlömb á Gasa með tónlist

Nanna Elísa Jakobsdóttir skrifar
 Klara Arnalds, söngkona Boogie Trouble, vill styðja við fórnarlömb á Gasa og hefur fundið fyrir miklum vanmætti. 
Fréttablaðið/Arnþór
Klara Arnalds, söngkona Boogie Trouble, vill styðja við fórnarlömb á Gasa og hefur fundið fyrir miklum vanmætti. Fréttablaðið/Arnþór
Félagið Ísland-Palestína stendur fyrir styrktartónleikum fyrir íbúa Gasa á Kex í kvöld klukkan hálf sjö.

Hljómsveitin Boogie Trouble er á meðal þeirra sem koma fram af þessu tilefni. „Við vorum flest meira en tilbúin til að taka þátt,“ segir Klara Arnalds, söngkona sveitarinnar.

„Svo tilbúin að ekkert okkar kíkti á dagatalið sitt áður en við sögðum já.“

Árásir Ísraelsmanna á Gasa hófust af miklum þunga 8. júlí síðastliðinn og hefur hlotist af þeim gríðarlega mikið mannfall og eignatjón.

„Það hafa dunið á manni svo hrikalegar fréttir og maður hefur fundið fyrir svo miklum vanmætti að geta ekkert gert,“ útskýrir Klara.

„Það er því óskastaða að fá að gera það sem maður er bestur í til þess að styðja við fórnarlömbin á svæðinu að einhverju leyti.“

Aðgangseyrir er 1.500 krónur og rennur hann óskiptur til neyðarsöfnunar handa íbúum á Gasasvæðinu.

Auk Boogie Trouble koma fram Mammút, Sóley, For a Minor Reflection, Soffía Björg og Hellvar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.