„Við erum að vinna í annarri seríu“

Margir telja þáttaröðina Breaking Bad vera eina af þeim bestu sem gerðar hafa verið og skapast hefur sterkur og dyggur aðdáendahópur í kjölfar þáttanna.

Einn aðalleikaranna, Aaron Paul sem leikur hinn mislukkaða Jessie Pinkman í þáttunum, stríddi aðdáendum þegar hann gaf í skyn að gerð yrði enn ein serían af Breaking Bad.

„Ég vissi ekki að það væri búið að opinbera það, en jú, við erum að vinna í annarri seríu,“ skrifaði leikarinn á heimasíðu Huffington Post og olli miklu fjaðrafoki með ummælunum.

Stuttu síðar leiðrétti hann þó tilbúninginn og sagðist einungis hafa verið að grínast.