Lindsay Lohan er rugluð

Sögusagnir um að leikarinn James Franco hefði sofið hjá partípíunni Lindsay Lohan fóru á kreik þegar lista yfir bólfélaga hennar var lekið í fjölmiðla.

James segir í viðtali við Howard Stern að hann hafi aldrei sofið hjá Lindsay.

„Ég sver að ég hef aldrei stundað kynlíf með Lindsay Lohan. Ég veðja að ef þú myndir spyrja hana augliti til auglitis hvort við hefðum sofið saman að hún myndi segja já,“ segir James. Hann játar þó að eitthvað hafi gerst á milli þeirra.

„Ókei, kannski kysstumst við. Það var glatað. Ég trúi ekki að hún hafi sett mig á þennan lista! Hún er svo rugluð!“