Fólk dragi úr sykuráti

Alþjóðaheilbrigðisstofnunin segir að dagleg sykurneysla almennings eigi að vera fimm prósent af heildarfjölda hitaeininga sem hann innbyrðir.

Þetta er helmingi minni sykurskammtur en áður hafði verið mælt með.

Eftir að hafa skoðað um níu þúsund rannsóknir segja sérfræðingar stofnunarinnar að með því að draga úr neyslu sykurs verði auðveldara að berjast gegn offitu og tannskemmdum.

Innifalið í sykurskammtinum er viðbættur sykur í mat og sykur í hunangi, sírópi og ávaxtasafa.