Vilja að allt íslenskt sjónvarpsefni sé textað

Þingmenn þriggja flokka hafa lagt fram tillögu um að allt myndefni sem fjölmiðlar miðla skuli vera textað á íslensku. Þetta er í annað sinn sem frumvarp þessa efnis er lagt fram.

Tilgangurinn er að gera heyrnarlausum og heyrnarskertum sjónvarpsáhorfendum kleift að njóta sjónvarpsefnis á íslensku.

Í dag er aðeins skylt að sjónvarpa erlendu efni með texta og næði breytingin því aðeins til íslensks efnis. Fjölmiðlar eru hinsvegar hvattir sérstaklega í lögunum til að texta líka íslenskt efni.

Svandís Svavarsdóttir, þingkona Vinstri grænna, er fyrsti flutningsmaður frumvarpsins en með henni eru Bjarkey Gunnarsdóttir, Katrín Júlíusdóttir, Ragnheiður Ríkharðsdóttir, Líneik Anna Sævarsdóttir og Elsa Lára Arnardóttir.