Svipmynd Markaðarins: Sérfræðingur í fiskeldi og Íslandsmeistari í Crossfit Haraldur Guðmundsson skrifar 23. júní 2014 10:05 Benedikt er Íslandsmeistari öldunga í Crossfit í aldursflokknum 45-50 ára. Vísir/Daníel „Ég er búinn að vera hjá þessu fyrirtæki í tuttugu ár. Ég var fimmti starfsmaðurinn en við erum nú 27 hér á Íslandi, þrettán í Síle og tveir í Noregi,“ segir Benedikt Hálfdánarson, nýr framkvæmdastjóri Vaka fiskeldiskerfa. Benedikt var áður markaðsstjóri Vaka en fyrirtækið var stofnað árið 1986. „Við höfum einbeitt okkur að rafeindabúnaði fyrir fiskeldi. Við erum leiðandi fyrirtæki í ákveðnum lausnum sem snúa að talningu og stærðarmælingum á eldisfiski. Í seiðastöðvum erum við kannski að telja tvö til þrjú hundruð þúsund seiði á klukkutíma.“ Búnaður Vaka er seldur til 50 landa. Noregur, Skotland, Síle, Kanada og Færeyjar eru helstu markaðir fyrirtækisins. „Laxeldið er gríðarstór markaður og annar stærsti útflutningsatvinnuvegur Norðmanna á eftir olíu og gasi. Í fyrra voru framleidd um þrettán hundruð þúsund tonn af laxi í Noregi en það samsvarar sexföldum þorskkvóta Íslendinga og útflutningsverðmæti vörunnar var rúmlega 800 milljarðar króna á síðasta ári,“ segir Benedikt. Hann útskrifaðist sem stúdent frá Fjölbrautaskólanum í Breiðholti árið 1985. Þaðan lá leiðin til Samvinnutrygginga, síðar VÍS, þar sem Benedikt vann við sölu á tryggingum og í fyrirtækjaþjónustu. Síðar fór hann í mastersnám í markaðs- og viðskiptafræði við Háskólann í Ósló. Þar vann Benedikt lokaverkefni þar sem hann skoðaði tækifæri í markaðssetningu á vörum Vaka í Noregi. „Það var birt lítil klausa í fréttablaði Útflutningsráðs um að ég væri nemandi í Noregi sem vildi gera lokaverkefni um íslenskt fyrirtæki í útflutningi. Á baksíðu blaðsins var grein um Vaka og ég las hana og sá að þetta var fyrirtæki sem var að selja vörur fyrir fiskeldi. Ég hafði unnið við fiskeldi og hringdi strax í Hermann Kristjánsson, aðaleiganda og stofnanda fyrirtækisins. Þá hafði hann séð þetta blað og séð klausuna um mig og hafði þá áður ákveðið að hafa samband.“ Benedikt er giftur Önnu Maríu Helgadóttur, ráðgjafa á fyrirtækjasviði Arion banka. Þau hafa verið saman í 28 ár og eiga tvö börn; tvítugan son og tólf ára dóttur. Benedikt fer mikið á skíði og í göngur á fjöll og nefnir einnig stang- og skotveiði sem áhugamál. Eitt virðist þó standa upp úr. „Ég er búinn að vera í crossfit í mörg ár, æfi margsinnis í viku og þykist vera í ægilega fínu formi. Ég hef keppt reglulega í mörg ár og er Íslandsmeistari öldunga í aldursflokknum 45-50 ára. Svo er ég að sprikla í mótorkrossi með stráknum mínum og hef mikinn áhuga á ljósmyndun,“ segir Benedikt.Þóra ÁsgeirsdóttirÞóra Ásgeirsdóttir, framkvæmdastjóri Maskínu„Benni er einn af þessum mönnum sem vita ekki hvað „þetta er ekki hægt“ þýðir. Við kynntumst í MBA-náminu og okkur varð strax vel til vina og gerðum fjölmörg verkefni saman. Hann er dugnaðarforkur með góða yfirsýn, þrautseigju og alltaf tilbúinn að tileinka sér nýja hluti og kafa dýpra. Hann er frábær vinur og það er eiginlega alveg sama hvað hann tekur sér fyrir hendur, hvort um er að ræða eldamennsku, veislustjórn, fararstjórn á fjöll eða að syngja Megas, hann getur þetta allt. Ég er sannfærð um að hann mun stýra því flotta fyrirtæki sem Vaki er af framsækni, öryggi og húmor.“Leifur Geir HafsteinssonLeifur Geir Hafsteinsson, aðstoðarframkvæmdastjóri Hagvangs „Nú er ég í einhverju veseni“ flaug í gegnum hugann þegar nauðasköllóttur og töluvert ógnvekjandi náungi með stingandi augu, líkamsvöxt veðhlaupahests og hreinræktað no-nonsense viðmót vatt sér rösklega að mér í æfingasal CrossFit Sport hér um árið. Sem betur fer, og eins og svo oft vill verða, voru þessi fyrstu hughrif mín kolröng. Benni var svo sannarlega enginn handrukkari heldur reyndist hann vera óvenjulega einbeittur og þrautseigur öðlingur, gæddur auðmýkt og visku þess sem leitar stöðugt að tækifærum til að vaxa, dafna og þroskast. Framkvæmdastjórastaðan er verðskulduð áskorun sem hann mun án efa standast með glæsibrag.“ Mest lesið Ætla að bjóða vaxtalaus lán í aðdraganda mánaðamóta Viðskipti innlent „Ég einfaldlega spurði kennarann: Ertu ekki að djóka?!“ Atvinnulíf Heitur pottur og sauna, tvenna sem getur ekki klikkað! Samstarf „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf Algjör óvissa með Dragon Dim Sum Viðskipti innlent Muni gera meiri kröfur til áfengiskaupenda en flestir aðrir Viðskipti innlent Hægir á verðhækkunum matvöru Neytendur „Ég var pæja sem vildi ekki vera með ljótan gulan hatt á hausnum“ Atvinnulíf „Gátum ekki setið og beðið endalaust“ Neytendur Fleiri fréttir Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Sjá meira
„Ég er búinn að vera hjá þessu fyrirtæki í tuttugu ár. Ég var fimmti starfsmaðurinn en við erum nú 27 hér á Íslandi, þrettán í Síle og tveir í Noregi,“ segir Benedikt Hálfdánarson, nýr framkvæmdastjóri Vaka fiskeldiskerfa. Benedikt var áður markaðsstjóri Vaka en fyrirtækið var stofnað árið 1986. „Við höfum einbeitt okkur að rafeindabúnaði fyrir fiskeldi. Við erum leiðandi fyrirtæki í ákveðnum lausnum sem snúa að talningu og stærðarmælingum á eldisfiski. Í seiðastöðvum erum við kannski að telja tvö til þrjú hundruð þúsund seiði á klukkutíma.“ Búnaður Vaka er seldur til 50 landa. Noregur, Skotland, Síle, Kanada og Færeyjar eru helstu markaðir fyrirtækisins. „Laxeldið er gríðarstór markaður og annar stærsti útflutningsatvinnuvegur Norðmanna á eftir olíu og gasi. Í fyrra voru framleidd um þrettán hundruð þúsund tonn af laxi í Noregi en það samsvarar sexföldum þorskkvóta Íslendinga og útflutningsverðmæti vörunnar var rúmlega 800 milljarðar króna á síðasta ári,“ segir Benedikt. Hann útskrifaðist sem stúdent frá Fjölbrautaskólanum í Breiðholti árið 1985. Þaðan lá leiðin til Samvinnutrygginga, síðar VÍS, þar sem Benedikt vann við sölu á tryggingum og í fyrirtækjaþjónustu. Síðar fór hann í mastersnám í markaðs- og viðskiptafræði við Háskólann í Ósló. Þar vann Benedikt lokaverkefni þar sem hann skoðaði tækifæri í markaðssetningu á vörum Vaka í Noregi. „Það var birt lítil klausa í fréttablaði Útflutningsráðs um að ég væri nemandi í Noregi sem vildi gera lokaverkefni um íslenskt fyrirtæki í útflutningi. Á baksíðu blaðsins var grein um Vaka og ég las hana og sá að þetta var fyrirtæki sem var að selja vörur fyrir fiskeldi. Ég hafði unnið við fiskeldi og hringdi strax í Hermann Kristjánsson, aðaleiganda og stofnanda fyrirtækisins. Þá hafði hann séð þetta blað og séð klausuna um mig og hafði þá áður ákveðið að hafa samband.“ Benedikt er giftur Önnu Maríu Helgadóttur, ráðgjafa á fyrirtækjasviði Arion banka. Þau hafa verið saman í 28 ár og eiga tvö börn; tvítugan son og tólf ára dóttur. Benedikt fer mikið á skíði og í göngur á fjöll og nefnir einnig stang- og skotveiði sem áhugamál. Eitt virðist þó standa upp úr. „Ég er búinn að vera í crossfit í mörg ár, æfi margsinnis í viku og þykist vera í ægilega fínu formi. Ég hef keppt reglulega í mörg ár og er Íslandsmeistari öldunga í aldursflokknum 45-50 ára. Svo er ég að sprikla í mótorkrossi með stráknum mínum og hef mikinn áhuga á ljósmyndun,“ segir Benedikt.Þóra ÁsgeirsdóttirÞóra Ásgeirsdóttir, framkvæmdastjóri Maskínu„Benni er einn af þessum mönnum sem vita ekki hvað „þetta er ekki hægt“ þýðir. Við kynntumst í MBA-náminu og okkur varð strax vel til vina og gerðum fjölmörg verkefni saman. Hann er dugnaðarforkur með góða yfirsýn, þrautseigju og alltaf tilbúinn að tileinka sér nýja hluti og kafa dýpra. Hann er frábær vinur og það er eiginlega alveg sama hvað hann tekur sér fyrir hendur, hvort um er að ræða eldamennsku, veislustjórn, fararstjórn á fjöll eða að syngja Megas, hann getur þetta allt. Ég er sannfærð um að hann mun stýra því flotta fyrirtæki sem Vaki er af framsækni, öryggi og húmor.“Leifur Geir HafsteinssonLeifur Geir Hafsteinsson, aðstoðarframkvæmdastjóri Hagvangs „Nú er ég í einhverju veseni“ flaug í gegnum hugann þegar nauðasköllóttur og töluvert ógnvekjandi náungi með stingandi augu, líkamsvöxt veðhlaupahests og hreinræktað no-nonsense viðmót vatt sér rösklega að mér í æfingasal CrossFit Sport hér um árið. Sem betur fer, og eins og svo oft vill verða, voru þessi fyrstu hughrif mín kolröng. Benni var svo sannarlega enginn handrukkari heldur reyndist hann vera óvenjulega einbeittur og þrautseigur öðlingur, gæddur auðmýkt og visku þess sem leitar stöðugt að tækifærum til að vaxa, dafna og þroskast. Framkvæmdastjórastaðan er verðskulduð áskorun sem hann mun án efa standast með glæsibrag.“
Mest lesið Ætla að bjóða vaxtalaus lán í aðdraganda mánaðamóta Viðskipti innlent „Ég einfaldlega spurði kennarann: Ertu ekki að djóka?!“ Atvinnulíf Heitur pottur og sauna, tvenna sem getur ekki klikkað! Samstarf „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf Algjör óvissa með Dragon Dim Sum Viðskipti innlent Muni gera meiri kröfur til áfengiskaupenda en flestir aðrir Viðskipti innlent Hægir á verðhækkunum matvöru Neytendur „Ég var pæja sem vildi ekki vera með ljótan gulan hatt á hausnum“ Atvinnulíf „Gátum ekki setið og beðið endalaust“ Neytendur Fleiri fréttir Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Sjá meira