Winfrey varar Lohan við

Spjallþáttadrottningin Oprah Winfrey varaði Lindsay Lohan við og sagði að henni væri réttast að koma lífi sínu á rétt ról. 

Þetta koma fram í raunveruleikaþættinum sem nefnist Lindsay og er sýndur á sjónvarpsstöð Winfrey.

Tökulið þáttana hafði verið að kvarta yfir slæmri hegðun Lohan og óstundvísi sem gerði það að verkum að Winfrey mætti á fund með leikkonunni. Þar sagði hún Lohan einfaldlega að taka sig saman í andlitinu.

Einnig bauð sjónvarpsmógullinn henni að hætta með þáttinn ef hún væri ekki tilbúin en Lohan lofaði bót og betrun. 

Ekki er langt síðan Lohan kom úr meðferð en hún hefur ekki fengið mikið að gera í kvikmyndaheiminum síðan.