Ugluþemað sló algjörlega í gegn

Berglind Hreiðarsdóttir sem starfar hjá World Class slær ekki slöku við þegar dóttirin á afmæli.

„Krökkunum fannst þetta æðislega skemmtilegt og þá helst litlu kökupinnarnir, hrískökurnar á ísprikunum og poppið í litríku pokunum.

Hugmyndin að afmælinu kom þegar við bjuggum erlendis og Elín Heiða dóttir mín var með ugluþema í herberginu sínu. Svo sáum við þessar afmælisvörur á Amazon og urðum að panta þær,“ segir Berglind Hreiðarsdóttir sem hélt upp á afmæli fimm ára dóttur sinnar með pompi og prakt fyrir skömmu.

Berglind segir að allir áhugasamir um kökugerð og skreytingar geti auðveldlega spreytt sig á ugluþemanu en hún heldur reglulega kökuskreytinganámskeið undir nafninu Gotterí og gersemar.

Á síðunni gotteri.is er að finna ýmsar sniðugar hugmyndir og leiðbeiningar fyrir veislur og skreytingar en einnig er hægt að skrá sig á kökuskreytinganámskeið.