Sæt á stefnumóti

Leikarinn George Clooney og unnusta hans, lögfræðingurinn Amal Alamuddin, fóru á stefnumót á Ítalíu á föstudaginn. Snæddu þau kvöldverð á hótelinu Villa D'Este í Cernobbio.

George og Amal trúlofuðu sig í apríl síðastliðnum og segja sögurnar að þau ætli að ganga í það heilaga síðar á þessu ári.

Þau hafa verið dugleg að viðhalda neistanum uppá síðkastið og heimsóttu meðal annars Highclere-kastalann í Hampshire á Englandi í síðasta mánuði.

Þetta verður í fyrsta sinn sem Amal gengur í það heilaga en George var kvæntur leikkonunni Taliu Balsam á árunum 1989 til 1993.