Löggan stoppaði Flavor Flav á leið í jarðaför mömmu sinnar

Rappgoðsögnin Flavor Flav, sem gerði allt vitlaust á sínum tíma með sveitinni Public Enemy, var stoppaður af lögreglunni í New York á leið í jarðaför móður sinnar. Hann ók langt yfir hámarkshraða og var með marijúana í fórum sínum. 

Hann var einnig án ökuleyfis en hann hefur alls misst prófið 16 sinnum. Honum var sleppt úr haldi svo hann gæti náð jarðaförinni en á að mæta fyrir dómara þann 28. janúar.

Hljómsveitin Public Enemy komst í frægðarhöll Rokksins í fyrra. Á því ári gaf Flavor Flav út lagið Michael Jacksons, sem má hlusta á hér að neðan.