Dökka hliðin á jólamyndunum Þórður Ingi Jónsson skrifar 3. desember 2014 09:00 Silent Night, Deadly Night gerði jólasveinahrollvekjuna vinsæla þó að Christmas Evil hafi komið út nokkrum árum áður. Á dögunum birti Fréttablaðið lista yfir helstu jólakvikmyndirnar, enda eru flestir farnir að telja niður dagana til jóla. Þó er til heill hellingur af lítt þekktari jólamyndum sem aðeins harðir kvikmyndanördar kannast við. Blaðið tók saman nokkrar af skrítnustu, brjáluðustu og hryllilegustu jólamyndunum, sumar við hæfi barna en aðrar ekki. Santa Clause Conquers the Martians (1964) Gjörsamlega snargeðveik fjölskyldumynd sem lendir oft á listum yfir verstu myndir allra tíma en hún er ein af þeim myndum sem eru svo ofboðslega lélegar að þær fara allan hringinn og verða frábær skemmtun. Leiðtogar plánetunnar Mars ræna jólasveininum af jörðinni og fara með hann til Mars til að bjarga börnum plánetunnar, sem þarfnast meira frelsis og skemmtunar. Jólasveinninn byggir dótaverksmiðju á Mars og lendir í alls kyns ævintýrum. Black Christmas (1974) Black Christmas er kanadísk hryllingsmynd sem gerist í systrafélagi í háskóla. Raðmorðingi er í felum í húsinu og stútar dömunum hverri á fætur annarri. Black Christmas er oft talin vera fyrsta „slasher“ hryllingsmyndin en það eru myndir eins og Friday the 13th og Halloween þar sem geðsjúkir morðingar hrella fórnarlömb, oftar en ekki með einhvers konar eggvopnum. Christmas Evil (1980) Christmas Evil var kölluð „besta jólamynd allra tíma“ af leikstjóranum geðþekka John Waters, en um er að ræða koldökka hryllingsmynd. Myndin fjallar um geðsjúkan mann sem klæðist jólasveinabúningi og fer (bókstaflega) að skera úr um hverjir hafa verið góðir og hverjir óþekkir. Silent Night, Deadly Night (1984) Silent Night, Deadly Night er mun þekktari „jóla-slasher“ heldur en Christmas Evil af einhverjum ástæðum, nema hvað að þessi er hlægilegri og ekki jafn alvarleg, þótt hún eigi kannski að vera það. Myndin byrjar á því að ungur drengur verður vitni að því að maður í jólasveinabúningi myrðir foreldra hans á hrottafenginn hátt. Drengurinn vex úr grasi á hræðilegu kaþólsku munaðarleysingjahæli og verður brátt sjálfur raðmorðingi í jólasveinabúningi. Myndin vakti mikla hneykslun þegar hún kom út í Bandaríkjunum á sínum tíma. Nokkrar framhaldsmyndir voru gerðar en í mynd númer tvö er hið fræga „Garbage Day“-atriði sem menn ættu að fletta upp á netinu vilji þeir fá gott hláturskast. The Junky‘s Christmas (1993) Stuttmynd sem gerð var með claymation-tækninni upp úr samnefndri smásögu skáldsins William S. Burroughs, sem les inn á myndina og kemur einnig sjálfur fram. Myndin fjallar um ungan dópista sem eyðir jólunum sínum í að reyna að redda sér næsta skammti. Ásamt morfínskammtinum tekst honum að finna jólaandann. Francis Ford Coppola, leikstjóri the Godfather, framleiddi myndina. Rare Exports: A Christmas Tale (2010) Þetta er stórskemmtileg finnsk ævintýra- og spennumynd, sem er ásamt Santa Clause Conquers the Martians líklega eina fjölskylduvæna myndin á þessum lista. Rare Exports fjallar um Lappa í Finnlandi sem komast að hinu rétta um jólasveininn, sem reynist ekki vera neinn ljúfur Coca-Cola jólasveinn. Frábær mynd sem Íslendingar ættu að tengja við enda eru gömlu íslensku jólasveinarnir algjörir hrottar og djöflar, rétt eins og þeir á meginlandinu. right Jól Mest lesið „Kveiktum næstum í öllu sumarbústaðalandinu“ Lífið Gefi raunsanna mynd af stefnumótahremmingum trans kvenna Bíó og sjónvarp Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Ég dreg mig í hlé og fer bara og stofna kaffihús“ Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Sagan á bak við djarft listaverk Ásdísar Ránar Lífið Una Torfadóttir með sína útgáfu af Bubbalagi frá 1998 Lífið Engir palestínskir fánar í Eurovision-höllinni Lífið Fleiri fréttir Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira
Á dögunum birti Fréttablaðið lista yfir helstu jólakvikmyndirnar, enda eru flestir farnir að telja niður dagana til jóla. Þó er til heill hellingur af lítt þekktari jólamyndum sem aðeins harðir kvikmyndanördar kannast við. Blaðið tók saman nokkrar af skrítnustu, brjáluðustu og hryllilegustu jólamyndunum, sumar við hæfi barna en aðrar ekki. Santa Clause Conquers the Martians (1964) Gjörsamlega snargeðveik fjölskyldumynd sem lendir oft á listum yfir verstu myndir allra tíma en hún er ein af þeim myndum sem eru svo ofboðslega lélegar að þær fara allan hringinn og verða frábær skemmtun. Leiðtogar plánetunnar Mars ræna jólasveininum af jörðinni og fara með hann til Mars til að bjarga börnum plánetunnar, sem þarfnast meira frelsis og skemmtunar. Jólasveinninn byggir dótaverksmiðju á Mars og lendir í alls kyns ævintýrum. Black Christmas (1974) Black Christmas er kanadísk hryllingsmynd sem gerist í systrafélagi í háskóla. Raðmorðingi er í felum í húsinu og stútar dömunum hverri á fætur annarri. Black Christmas er oft talin vera fyrsta „slasher“ hryllingsmyndin en það eru myndir eins og Friday the 13th og Halloween þar sem geðsjúkir morðingar hrella fórnarlömb, oftar en ekki með einhvers konar eggvopnum. Christmas Evil (1980) Christmas Evil var kölluð „besta jólamynd allra tíma“ af leikstjóranum geðþekka John Waters, en um er að ræða koldökka hryllingsmynd. Myndin fjallar um geðsjúkan mann sem klæðist jólasveinabúningi og fer (bókstaflega) að skera úr um hverjir hafa verið góðir og hverjir óþekkir. Silent Night, Deadly Night (1984) Silent Night, Deadly Night er mun þekktari „jóla-slasher“ heldur en Christmas Evil af einhverjum ástæðum, nema hvað að þessi er hlægilegri og ekki jafn alvarleg, þótt hún eigi kannski að vera það. Myndin byrjar á því að ungur drengur verður vitni að því að maður í jólasveinabúningi myrðir foreldra hans á hrottafenginn hátt. Drengurinn vex úr grasi á hræðilegu kaþólsku munaðarleysingjahæli og verður brátt sjálfur raðmorðingi í jólasveinabúningi. Myndin vakti mikla hneykslun þegar hún kom út í Bandaríkjunum á sínum tíma. Nokkrar framhaldsmyndir voru gerðar en í mynd númer tvö er hið fræga „Garbage Day“-atriði sem menn ættu að fletta upp á netinu vilji þeir fá gott hláturskast. The Junky‘s Christmas (1993) Stuttmynd sem gerð var með claymation-tækninni upp úr samnefndri smásögu skáldsins William S. Burroughs, sem les inn á myndina og kemur einnig sjálfur fram. Myndin fjallar um ungan dópista sem eyðir jólunum sínum í að reyna að redda sér næsta skammti. Ásamt morfínskammtinum tekst honum að finna jólaandann. Francis Ford Coppola, leikstjóri the Godfather, framleiddi myndina. Rare Exports: A Christmas Tale (2010) Þetta er stórskemmtileg finnsk ævintýra- og spennumynd, sem er ásamt Santa Clause Conquers the Martians líklega eina fjölskylduvæna myndin á þessum lista. Rare Exports fjallar um Lappa í Finnlandi sem komast að hinu rétta um jólasveininn, sem reynist ekki vera neinn ljúfur Coca-Cola jólasveinn. Frábær mynd sem Íslendingar ættu að tengja við enda eru gömlu íslensku jólasveinarnir algjörir hrottar og djöflar, rétt eins og þeir á meginlandinu. right
Jól Mest lesið „Kveiktum næstum í öllu sumarbústaðalandinu“ Lífið Gefi raunsanna mynd af stefnumótahremmingum trans kvenna Bíó og sjónvarp Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Ég dreg mig í hlé og fer bara og stofna kaffihús“ Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Sagan á bak við djarft listaverk Ásdísar Ránar Lífið Una Torfadóttir með sína útgáfu af Bubbalagi frá 1998 Lífið Engir palestínskir fánar í Eurovision-höllinni Lífið Fleiri fréttir Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira