„Viljum ekki senda enn fleiri reikninga inn á heimili til foreldra“ Eiríkur Stefán Ásgeirsson skrifar 4. febrúar 2014 07:00 Mikill uppgangur hefur verið í körfuboltanum hér á landi hjá bæði strákum og stúlkum. fréttablaðið/stefán Í síðustu viku var greint frá því að Körfuknattleikssamband Íslands hefði sagt framkvæmdastjóranum Friðriki Inga Rúnarssyni upp störfum. Ástæðan væri hagræðing í rekstri sambandsins en formaðurinn, Hannes S. Jónsson, segir að ákvörðunin hafi verið afar erfið, en nauðsynleg. „Hér er gerð sú eðlilega krafa að við höldum úti öflugu afreksstarfi en raunin er sú að það verður bara dýrara og dýrara með hverju árinu. Það sama má segja um unglingalandsliðin okkar,“ segir Hannes í samtali við Fréttablaðið. KKÍ er á góðri leið með að ganga frá styrktarsamningum við nokkur fyrirtæki sem ætti að skila sambandinu meiri tekjum og fagnar Hannes því. Hann bætir við að rekstur sambandsins hafi verið „í lagi“ í fyrra en meira komi til. „KKÍ skuldar í dag um átján milljónir króna og við þurfum að vinna áfram að því að grynnka á þeim. Við viljum svo halda áfram að sinna okkar afreksstarfi og bæta í það. Þá urðum við að grípa til hagræðingar og niðurstaðan var að gera það á skrifstofunni.“ Hannes segir að stjórnarmenn KKÍ muni taka á sig aukna ábyrgð og fleiri verkefni til að fylla í skarðið sem Friðrik Ingi skilur eftir sig. „Staðan verður svo skoðuð aftur í haust fyrir næsta rekstrarár,“ bætir Hannes við.Nóg framboð af verkefnum Körfuboltahreyfingin hefur dafnað ágætlega á Íslandi undanfarin ár og sífellt fleiri bætast í hóp ungra og efnilegra leikmann. Hannes segir að það sé enginn skortur á verkefnum fyrir yngri landslið Íslands en að það sé hins vegar ekki hægt að taka þátt í þeim öllum. „Ástæðan er einföld. Við viljum ekki senda enn fleiri reikninga inn á heimili til foreldranna,“ segir Hannes en það hefur lengi tíðkast að fjölskyldur leikmanna yngri landsliðanna taka þátt í þeim kostnaði sem fylgir æfinga- og keppnisferðalögum að stórum hluta. Miðað við ársveltu KKÍ kemur rúmlega helmingur inn frá atvinnulífinu með styrktarsamningum við fyrirtæki. Sambandið fær tekjur frá Íslenskri getspá og af því að rukka félög um móts- og félagaskiptagjöld. Þá fær sambandið styrki frá ríkinu sem er úthlutað í gegnum ÍSÍ, aðallega í gegnum afrekssjóð og með svokölluðum sérsambandsstyrk. Hannes segir að alls nemi innkoma KKÍ frá ríkinu tæpum tíu milljónum króna. Það sé litlu minna en áætlað er að fjölskyldur leikmanna yngri landsliða greiða á þessu ári. „Í öllum hinum vestræna heimi og sérstaklega í þeim löndum sem eru í kringum okkur kemur ríkið að íþróttastarfinu með mun sterkari hætti en raunin er á Íslandi,“ segir Hannes og bendir á að þær hækkanir sem síðustu tvær ríkisstjórnir hafi komið með dugi skammt.Þurfum 3-400 milljónir „Það þarf meira til en að auka framlagið um nokkrar milljónir með nokkurra ára millibili. Það er fljótt að fara þegar því er dreift á næstum 30 sérsambönd innan ÍSÍ. Ef vel á að vera þá þarf framlag ríkisins í afreksíþróttir hér á landi að nema 3-400 milljónum króna. Ég veit að þetta er há upphæð en þetta er engu að síður raunin,“ segir Hannes. Á dögunum var úthlutað úr afrekssjóði ÍSÍ fyrir árið 2014 og námu styrkveitingar til sérsambanda tæpum 92 milljónum króna. Framlag ríkisins í sjóðinn var 70 milljónir og hækkaði um fimmtán milljónir á milli ára. Þess má geta að kostnaðaráætlanir þeirra sérsambanda sem sóttu um styrk úr sjóðnum námu rúmlega 891 milljón króna. Hannes segir að framlag ríkisins í afreksíþróttir skili sér aftur í samfélagið með margvíslegum hætti. „Stjórnmálamennirnir þurfa einfaldlega að taka af skarið og gera þetta almennilega því allt kostar þetta mikinn pening ef vel á að vera,“ segir Hannes. Dominos-deild karla Dominos-deild kvenna Mest lesið „Staða mín er svolítið erfið“ Fótbolti Missa af Messi vegna harðra aðgerða gegn innflytjendum í Chicago Fótbolti Skilur ekki hvernig var hægt að breyta víti í markmannskast Handbolti Óheppin Arna fékk dæmt á sig víti gegn Man. Utd Fótbolti Ísak lofar að hlaupa mest: „Mjög gaman að sjá fólkið bakka okkur upp“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Anton og Jónas áfram fastagestir á EM Handbolti Birta Georgs: Skrítinn leikur og veðrið átti stóran þátt í því Fótbolti Dagskráin: HM-leikir og spennandi kvöld í Bónus-deildinni Sport Vonsvikinn Nik: Þriðja og fjórða markið gætu skipt sköpum Fótbolti Fleiri fréttir Uppgjörið: KR - Haukar 70-92 | Haukar sigu fram úr í seinni hálfleik og unnu sannfærandi sigur Uppgjörið: Tindastóll - Stjarnan 95-92 | Mikil spenna í Síkinu Kane vill spila í Grindavík: „Flestir okkar hafa engar áhyggjur af þessu“ Uppgjörið: Keflavík - Hamar/Þór 102-89 | Fyrsti sigur Keflvíkinga í hús Uppgjörið: Valur - Njarðvík 77-80| Njarðvíkursigur í spennutrylli Stórsigur Grindavíkur en WNBA-konan hætti fyrr en aðrar Aðdáendur pirraðir eftir „ákvörðun“ LeBron James „Lið sem gæti hæglega blandað sér í toppbaráttuna“ Elvar stýrði sigursöngvunum eftir leik LeBron boðar aðra Ákvörðun Uppgjörið: Valur - Tindastóll 85-87 | Basile með sigurkörfu „Þeir skutu úr einhverjum fjörutíu vítum“ Elvar stigahæstur í fyrsta deildarleiknum með nýja liðinu Bikarmeistarar Vals byrja á móti B-liði KR Er Kristján Fannar ÍR-ingur eða Keflvíkingur? „Ótrúlegt hvað við framleiðum marga góða unga leikmenn sem heita Styrmir“ „Hann er topp þrír í deildinni“ Jón Axel öflugur þegar spænska deildin fór af stað á nýjan leik Nabblinn á ferðinni: Bræðurnir gerðu upp fyrsta leikinn í Grindavík síðan 2023 Giannis ekki kominn af stað með Milwaukee Bucks Kemi tilþrifin | Sjáðu harkalega byltu Arnórs Tristan „Við grípum augnablikið og gerum það mjög vel“ Uppgjörið: Grindavík - Njarðvík 109-96 | Grindvíkingar unnu í heimkomunni Martin með nítján stig í fyrsta leik Stólarnir fastir í München De Assis með fjórða íslenska liðinu á fjórum árum Bjóða upp á Frank Booker-árskort Afar ólík viðbrögð hjá Hlyni Bærings og Benna Gumm eftir byrjun þáttarins Uppgjörið: KR - Stjarnan 102-98 | Meistararnir töpuðu í Vesturbænum „Var í vímu þarna í smá stund af gleði og æsingi“ Sjá meira
Í síðustu viku var greint frá því að Körfuknattleikssamband Íslands hefði sagt framkvæmdastjóranum Friðriki Inga Rúnarssyni upp störfum. Ástæðan væri hagræðing í rekstri sambandsins en formaðurinn, Hannes S. Jónsson, segir að ákvörðunin hafi verið afar erfið, en nauðsynleg. „Hér er gerð sú eðlilega krafa að við höldum úti öflugu afreksstarfi en raunin er sú að það verður bara dýrara og dýrara með hverju árinu. Það sama má segja um unglingalandsliðin okkar,“ segir Hannes í samtali við Fréttablaðið. KKÍ er á góðri leið með að ganga frá styrktarsamningum við nokkur fyrirtæki sem ætti að skila sambandinu meiri tekjum og fagnar Hannes því. Hann bætir við að rekstur sambandsins hafi verið „í lagi“ í fyrra en meira komi til. „KKÍ skuldar í dag um átján milljónir króna og við þurfum að vinna áfram að því að grynnka á þeim. Við viljum svo halda áfram að sinna okkar afreksstarfi og bæta í það. Þá urðum við að grípa til hagræðingar og niðurstaðan var að gera það á skrifstofunni.“ Hannes segir að stjórnarmenn KKÍ muni taka á sig aukna ábyrgð og fleiri verkefni til að fylla í skarðið sem Friðrik Ingi skilur eftir sig. „Staðan verður svo skoðuð aftur í haust fyrir næsta rekstrarár,“ bætir Hannes við.Nóg framboð af verkefnum Körfuboltahreyfingin hefur dafnað ágætlega á Íslandi undanfarin ár og sífellt fleiri bætast í hóp ungra og efnilegra leikmann. Hannes segir að það sé enginn skortur á verkefnum fyrir yngri landslið Íslands en að það sé hins vegar ekki hægt að taka þátt í þeim öllum. „Ástæðan er einföld. Við viljum ekki senda enn fleiri reikninga inn á heimili til foreldranna,“ segir Hannes en það hefur lengi tíðkast að fjölskyldur leikmanna yngri landsliðanna taka þátt í þeim kostnaði sem fylgir æfinga- og keppnisferðalögum að stórum hluta. Miðað við ársveltu KKÍ kemur rúmlega helmingur inn frá atvinnulífinu með styrktarsamningum við fyrirtæki. Sambandið fær tekjur frá Íslenskri getspá og af því að rukka félög um móts- og félagaskiptagjöld. Þá fær sambandið styrki frá ríkinu sem er úthlutað í gegnum ÍSÍ, aðallega í gegnum afrekssjóð og með svokölluðum sérsambandsstyrk. Hannes segir að alls nemi innkoma KKÍ frá ríkinu tæpum tíu milljónum króna. Það sé litlu minna en áætlað er að fjölskyldur leikmanna yngri landsliða greiða á þessu ári. „Í öllum hinum vestræna heimi og sérstaklega í þeim löndum sem eru í kringum okkur kemur ríkið að íþróttastarfinu með mun sterkari hætti en raunin er á Íslandi,“ segir Hannes og bendir á að þær hækkanir sem síðustu tvær ríkisstjórnir hafi komið með dugi skammt.Þurfum 3-400 milljónir „Það þarf meira til en að auka framlagið um nokkrar milljónir með nokkurra ára millibili. Það er fljótt að fara þegar því er dreift á næstum 30 sérsambönd innan ÍSÍ. Ef vel á að vera þá þarf framlag ríkisins í afreksíþróttir hér á landi að nema 3-400 milljónum króna. Ég veit að þetta er há upphæð en þetta er engu að síður raunin,“ segir Hannes. Á dögunum var úthlutað úr afrekssjóði ÍSÍ fyrir árið 2014 og námu styrkveitingar til sérsambanda tæpum 92 milljónum króna. Framlag ríkisins í sjóðinn var 70 milljónir og hækkaði um fimmtán milljónir á milli ára. Þess má geta að kostnaðaráætlanir þeirra sérsambanda sem sóttu um styrk úr sjóðnum námu rúmlega 891 milljón króna. Hannes segir að framlag ríkisins í afreksíþróttir skili sér aftur í samfélagið með margvíslegum hætti. „Stjórnmálamennirnir þurfa einfaldlega að taka af skarið og gera þetta almennilega því allt kostar þetta mikinn pening ef vel á að vera,“ segir Hannes.
Dominos-deild karla Dominos-deild kvenna Mest lesið „Staða mín er svolítið erfið“ Fótbolti Missa af Messi vegna harðra aðgerða gegn innflytjendum í Chicago Fótbolti Skilur ekki hvernig var hægt að breyta víti í markmannskast Handbolti Óheppin Arna fékk dæmt á sig víti gegn Man. Utd Fótbolti Ísak lofar að hlaupa mest: „Mjög gaman að sjá fólkið bakka okkur upp“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Anton og Jónas áfram fastagestir á EM Handbolti Birta Georgs: Skrítinn leikur og veðrið átti stóran þátt í því Fótbolti Dagskráin: HM-leikir og spennandi kvöld í Bónus-deildinni Sport Vonsvikinn Nik: Þriðja og fjórða markið gætu skipt sköpum Fótbolti Fleiri fréttir Uppgjörið: KR - Haukar 70-92 | Haukar sigu fram úr í seinni hálfleik og unnu sannfærandi sigur Uppgjörið: Tindastóll - Stjarnan 95-92 | Mikil spenna í Síkinu Kane vill spila í Grindavík: „Flestir okkar hafa engar áhyggjur af þessu“ Uppgjörið: Keflavík - Hamar/Þór 102-89 | Fyrsti sigur Keflvíkinga í hús Uppgjörið: Valur - Njarðvík 77-80| Njarðvíkursigur í spennutrylli Stórsigur Grindavíkur en WNBA-konan hætti fyrr en aðrar Aðdáendur pirraðir eftir „ákvörðun“ LeBron James „Lið sem gæti hæglega blandað sér í toppbaráttuna“ Elvar stýrði sigursöngvunum eftir leik LeBron boðar aðra Ákvörðun Uppgjörið: Valur - Tindastóll 85-87 | Basile með sigurkörfu „Þeir skutu úr einhverjum fjörutíu vítum“ Elvar stigahæstur í fyrsta deildarleiknum með nýja liðinu Bikarmeistarar Vals byrja á móti B-liði KR Er Kristján Fannar ÍR-ingur eða Keflvíkingur? „Ótrúlegt hvað við framleiðum marga góða unga leikmenn sem heita Styrmir“ „Hann er topp þrír í deildinni“ Jón Axel öflugur þegar spænska deildin fór af stað á nýjan leik Nabblinn á ferðinni: Bræðurnir gerðu upp fyrsta leikinn í Grindavík síðan 2023 Giannis ekki kominn af stað með Milwaukee Bucks Kemi tilþrifin | Sjáðu harkalega byltu Arnórs Tristan „Við grípum augnablikið og gerum það mjög vel“ Uppgjörið: Grindavík - Njarðvík 109-96 | Grindvíkingar unnu í heimkomunni Martin með nítján stig í fyrsta leik Stólarnir fastir í München De Assis með fjórða íslenska liðinu á fjórum árum Bjóða upp á Frank Booker-árskort Afar ólík viðbrögð hjá Hlyni Bærings og Benna Gumm eftir byrjun þáttarins Uppgjörið: KR - Stjarnan 102-98 | Meistararnir töpuðu í Vesturbænum „Var í vímu þarna í smá stund af gleði og æsingi“ Sjá meira