Stundar kynlíf á fyrsta stefnumóti

Leikkonan Emmy Rossum prýðir forsíðu tímaritsins Cosmopolitan en hún er hvað þekktust fyrir að leika Fionu í sjónvarpsþáttunum Shameless.

„Mér finnst að strákum finnist ég lauslát þegar ég er á fyrsta stefnumóti (eins og Fiona) og það er ömurlegt. Það er ekki eins og ég hafi ekki stundað kynlíf á fyrsta stefnumóti en það endar yfirleitt í tveggja ára sambandi. Ég hrífst ekki af íþróttamönnum, frekar nördunum í horninu. Ég er að deita handritshöfund núna. Handritshöfundar eru sexí,“ segir Emmy en kærasti hennar er Sam Esmail.

Emmy segir smáskilaboðasendingar varhugaverðar.

„Ég komst einu sinni að því að gaur sem ég var að deita var að senda klúrin skilaboð til annarrar konu og ég gjörsamlega missti vitið. Smáskilaboð eru svo hættuleg! Ég gef strákum ekki einu sinni númerið mitt því ég þekki mig. Við myndum byrja að senda skilaboð og hann myndi senda tákn, eins og broskalla, og ég myndi gera slíkt hið sama og fyrr en varði værum við í klandri. Ég er mikið fyrir að daðra.“