Aðdáendum leikkonunnar Betty White brá heldur betur í brún þegar þeir misskildu fyrirsögn á grínfrétt á Empire News í gær.
Fyrirsögnin var: „Actress Betty White, 92, Dyes Peacefully In Her Los Angeles Home“ eða „Leikkonan Betty White, 92, litar hár sitt á friðsælan hátt á heimili sínu í Los Angeles.“
Margir rugluðu hins vegar saman sögninni að lita hár sitt, dyes, og að deyja, dies, saman og héldu að leikkonan væri dáin.
Stuttu eftir að sá misskilningur fór á kreik að Betty væri látin sendi umboðsmaður hennar línu á Los Angeles Time og sagði að leikkonan væri sprelllifandi og á setti að leika í Hot in Cleveland þessa dagana.
Leikkonan Betty White er ekki dáin
