Miley elskar sinn fyrrverandi ennþá

Miley Cyrus sagðist enn elska fyrrverandi unnusta sinn, Liam Hemsworth, í viðtali við ástralska þáttastjórnandann Chris Bath um helgina.

„Ég elska Liam og Liam elskar mig,“ sagði Cyrus í viðtalinu.

Eftir að slitnaði upp úr sambandi Cyrus og Hunger Games-stjörnunnar, Liam Hemsworth í fyrra, kom faðir Miley, Billy Ray, fram í viðtali þar sem hann sagði dóttur sína aldrei hafa verið hamingjusamari.

„Eina sem ég veit er að ég heyrði dóttur mína segja að hún væri hamingjusamari en nokkru sinni fyrr eftir sambandsslitin.“