Lækkun eldsneytisverðs skaðar tvinn- og rafmagnsbílasölu vestanhafs Finnur Thorlacius skrifar 4. nóvember 2014 15:15 Ford Focus EV rafmagnsbíll í hleðslu. Eldsneytisverð hefur lækkað mjög skart í heiminum undanfarið og í síðustu viku varð meiri lækkun á bensínverði í Bandaríkjunum en orðið hefur í meira en 2 ár. Þá lækkaði verð um 10 sent, eða 12 krónur á aðeins einni viku. Þar má á einstaka bensínstöðvum sjá svo lágt verð sem 2,70 dollara á gallon, eða 85 krónur á hvern lítra. Meðalverðið í landinu er þó um 3,14 dollarar á gallon, eða 99 krónur. Þetta lága verð á eldsneyti gerir lítið til að hvetja fólk vestanhafs til kaupa á rafmagnsbílum og tvinnbílum og það sést í sölutölunum undanfarið. Tvinnbílar og rafmagnsbílar hlaðast nú upp hjá bílaumboðum þarlendis og framleiðendur þeirra hafa neyðst til að lækka verðið til að koma hreyfingu á sölu þeirra. Framleiðendur lækka verðið Nýlega lækkaði Ford verðið á Ford Focus EV sem gengur fyrir rafmagni um 6.000 dollara og það sama gerði Nissan með Leaf bíl sinn fyrr á árinu. Toyota hefur þurft að hækka afslætti á tvinn- og rafmagnsbílum sínum frá 1.400 dollurum að meðaltali fyrir ári síðan í 2.300 dollara nú. Ford hækkaði afslátt á rafmagnsútgáfu C-Max frá 2.650 dollurum í 4.900 dollara. Þessar aðgerðir Toyota og Ford hefur ekki orðið til að auka sölu þessara bíla, heldur þvert á móti. Sala eyðslufrekra pallbíla hefur í staðinn verið í miklum blóma og er söluaukning þeirra talin í tugum prósent hjá öllum framleiðendum. Bílaframleiðendum er gert af yfirvöldum að framleiða sífellt eyðslugrennri bíla og því streyma nú sífellt fleiri gerðir rafmagns- og tvinnbíla frá þeim, sem illa gengur að selja í Bandaríkjunum. Sú þróun hefur þó ekki orðið í Evrópu, en þar heldur sala rafmagns- og tvinnbíla áfram að aukast enda er eldsneytisverð í álfunni miklu mun hærra en í Bandaríkjunum, vegna hárra skatta á eldsneyti. Mest lesið Býður upp á sögugöngu um svæðið sem hún vill vernda Innlent Vakinn af „ölvunarsvefni“ inni á baði og brást ókvæða við Innlent Sex ára framtíðar sauðfjárbóndi á Rangárvöllum Innlent Strekkingur og væta suðvestanlands en allt að 17 stig fyrir austan Veður Maður sem lét snáka bíta sig 200 sinnum lykill að tímamótamóteitri Erlent „Þetta hefur verið sorgleg þróun“ Innlent Buðu mótherjum Björgólfs fyrst þjónustu sína Innlent Hafnaði hermönnum Trump: „Fullveldið er ekki til sölu“ Erlent Innsti hringur Trump í skærum við þýsk yfirvöld Erlent Amma gerandans svarar ákalli föður Bryndísar Klöru Innlent
Eldsneytisverð hefur lækkað mjög skart í heiminum undanfarið og í síðustu viku varð meiri lækkun á bensínverði í Bandaríkjunum en orðið hefur í meira en 2 ár. Þá lækkaði verð um 10 sent, eða 12 krónur á aðeins einni viku. Þar má á einstaka bensínstöðvum sjá svo lágt verð sem 2,70 dollara á gallon, eða 85 krónur á hvern lítra. Meðalverðið í landinu er þó um 3,14 dollarar á gallon, eða 99 krónur. Þetta lága verð á eldsneyti gerir lítið til að hvetja fólk vestanhafs til kaupa á rafmagnsbílum og tvinnbílum og það sést í sölutölunum undanfarið. Tvinnbílar og rafmagnsbílar hlaðast nú upp hjá bílaumboðum þarlendis og framleiðendur þeirra hafa neyðst til að lækka verðið til að koma hreyfingu á sölu þeirra. Framleiðendur lækka verðið Nýlega lækkaði Ford verðið á Ford Focus EV sem gengur fyrir rafmagni um 6.000 dollara og það sama gerði Nissan með Leaf bíl sinn fyrr á árinu. Toyota hefur þurft að hækka afslætti á tvinn- og rafmagnsbílum sínum frá 1.400 dollurum að meðaltali fyrir ári síðan í 2.300 dollara nú. Ford hækkaði afslátt á rafmagnsútgáfu C-Max frá 2.650 dollurum í 4.900 dollara. Þessar aðgerðir Toyota og Ford hefur ekki orðið til að auka sölu þessara bíla, heldur þvert á móti. Sala eyðslufrekra pallbíla hefur í staðinn verið í miklum blóma og er söluaukning þeirra talin í tugum prósent hjá öllum framleiðendum. Bílaframleiðendum er gert af yfirvöldum að framleiða sífellt eyðslugrennri bíla og því streyma nú sífellt fleiri gerðir rafmagns- og tvinnbíla frá þeim, sem illa gengur að selja í Bandaríkjunum. Sú þróun hefur þó ekki orðið í Evrópu, en þar heldur sala rafmagns- og tvinnbíla áfram að aukast enda er eldsneytisverð í álfunni miklu mun hærra en í Bandaríkjunum, vegna hárra skatta á eldsneyti.
Mest lesið Býður upp á sögugöngu um svæðið sem hún vill vernda Innlent Vakinn af „ölvunarsvefni“ inni á baði og brást ókvæða við Innlent Sex ára framtíðar sauðfjárbóndi á Rangárvöllum Innlent Strekkingur og væta suðvestanlands en allt að 17 stig fyrir austan Veður Maður sem lét snáka bíta sig 200 sinnum lykill að tímamótamóteitri Erlent „Þetta hefur verið sorgleg þróun“ Innlent Buðu mótherjum Björgólfs fyrst þjónustu sína Innlent Hafnaði hermönnum Trump: „Fullveldið er ekki til sölu“ Erlent Innsti hringur Trump í skærum við þýsk yfirvöld Erlent Amma gerandans svarar ákalli föður Bryndísar Klöru Innlent