Hefur ekki talað við systur sínar í mánuð

Rob Kardashian hefur ekki talað við systur sínar, Kim og Khloe Kardashian, í mánuð og er meðvitað að hunsa þær að sögn RadarOnline.com. 

Rob mætti ekki í brúðkaup Kim og Kanye West í Flórens í maí og hefur hunsað allar tilraunir systranna til að laga sambandið við bróður sinn. 

Rob ætlaði að mæta í brúðkaupið og var mættur með fjölskyldunnar til Parísar í aðdraganda brúðkaupsins en flaug heim áður en athöfnin fór fram vegna rifrildis við Kim.

 

„Kim og Rob hafa ekki talað saman í langan tíma, henni finnst hann vera latur og sverta orðspor fjölskyldunnar með lifnaðarháttum sínum," segja heimildir vefsíðunnar. 

Rob hefur á undanförnum mánuðum bætt á sig kílóunum og ekki verið jafn áberandi og aðrir meðlimir Kardashian-fjölskyldunnar.