Joachim Löw, landsliðsþjálfari Þýskalands, segist hæstánægður með frammistöðu sóknarmannsins Thomas Müller á HM.
Müller, sem verður 25 ára síðar á árinu, er markahæstur á mótinu með fjögur mörk, jafn mörg og Brasilíumaðurinn Neymar og Argentínumaðurinn Lionel Messi.
"Það sást í undirbúningnum fyrir HM að hann var í ótrúlega góðu ásigkomulagi, bæði andlega og líkamlega," sagði Löw um lærisvein sinn.
"Öllum mótherjum okkar finnst erfitt að eiga við hann því hlaupin hans eru snjöll og hann kemur sér alltaf í góðar stöður inni í vítateignum.
"Hann hefur verið í frábæru formi undanfarnar vikur," sagði Löw um Müller sem var markakóngur HM 2010 með fimm mörk, en alls hefur hann skorað níu mörk í níu leikjum á heimsmeistaramótum.
Þýskaland mætir Alsír í 16-liða úrslitum í Porto Alegre á mánudaginn.
Löw: Müller er í frábæru formi
Tengdar fréttir
HM-Uppbótartíminn: Gott gengi Müller heldur áfram
Fyrstu umferð Heimsmeistaramótsins lauk í gærkvöldi með jafntefli Suður-Kóreu og Rússlands. Vísir mun gera upp umferðina á léttum nótum í dag.
Aron og félagar áfram þrátt fyrir tap
Bandaríkin töpuðu fyrir Þýskalandi en komast samt áfram í 16 liða úrslit.
Maradona: Þjóðverjar voru ógnvekjandi
Diego Maradona lofaði mjög frammistöðu þýska landsliðsins gegn Portúgal á HM í Brasilíu.
Klose jafnaði met Ronaldo þegar Þýskaland og Gana gerðu jafntefli
Þýskaland og Gana gerðu 2-2 jafntefli í G-riðli heimsmeistarakeppninnar í fótbolta í Brasilíu. Öll mörkin voru skoruð í seinni hálfleik.
Þýskaland slátraði Portúgal
Þýskaland slátraði Portúgal í stórleik dagsins á Heimsmeistaramótinu en leiknum lauk með 4-0 sigri Þýskalands. Varnarmaðurinn Pepe fékk rautt spjald í stöðunni 2-0 sem gerði endanlega út um vonir Portúgals.
