Símaskráin 1948 opnaði mér nýja sýn á landið Gunnþóra Gunnarsdóttir skrifar 16. september 2014 12:30 "Ég þurfti ekki nema að bregða mér á loft í tvær mínútur til að sjá hvað væri að gerast,“ segir Ómar sem var í nágrenni gosstöðvanna norðan Vatnajökuls í þrjár vikur. Fréttablaðið/Stefán „Það var alþýðumaður úti í bæ sem hringdi inn í síðdegisútvarpið fyrir fjórum árum og kom með uppástungu um að gera afmælisdaginn minn að degi íslenskrar náttúru og áður en varði var bara búið að ákveða að svo yrði,“ rifjar Ómar Ragnarsson upp þegar honum er óskað til hamingju með daginn. Skyldi hann ekki hafa verið stoltur? „Ég átti bara ekki orð. Mest varð ég undrandi þegar ég fór að hugsa um að við værum búin að vera með dag íslenskrar tungu í næstum áratug áður en einhverjum datt í hug að íslensk náttúra gæti kannski verðskuldað dag.“ Ómar var bara átta ára þegar hann fékk óbilandi áhuga á Íslandi og náttúru þess og man þann dag. „Það var þegar ég sá símaskrána 1948 í fyrsta skipti,“ segir hann. „Símaskráin 1948 opnað mér nýja sýn á landið. Hún er áhrifamesta bók sem ég hef séð af því þar var kort af Íslandi með neti af símalínunum og líka kort af heiminum með yfirliti yfir helstu fjarskipti innan hans. Þetta var opinberun fyrir mig sem krakka og upp frá því varð ég alger landafræðinörd.“ Ómar er nýlega kominn úr þriggja vikna dvöl á gosstöðvunum norðan Vatnajökuls, þar sem hann bjó í húsbíl á Sauðárflugvelli. „Ég vildi fylgjast með gosinu og það var miklu auðveldara að vera á Sauðárflugvelli en annars staðar. Ég þurfti ekki nema að bregða mér á loft í tvær mínútur til að sjá hvað væri að gerast,“ útskýrir hann. „Völlurinn er með fimm brautir og er sá næststærsti á landinu á eftir Keflavíkurvelli, viðurkenndur og skráður með alþjóðastimpli. Það getur komið sér vel því allar vélar sem fljúga innanlands á Íslandi geta lent þar, meira að segja Fokker,“ segir hann. Eins og flestir vita er Ómar eins og alfræðirit um íslenska náttúru. Nú efnir Bókasafn Seltjarnarness til stefnumóts við hann í dag klukkan 17 í tilefni dagsins. Hvað skyldi hann ætla að spjalla um? „Þetta verða nánast eins og tónleikar með kynningum á milli. Í fyrra frumsýndi ég sjö mínútna stuttmynd sem heitir Íslands ljóð, ég geri ráð fyrir að sýna hana. Ég hef stundum farið í skóla með tæpan klukkutíma af spjalli um íslenska náttúru, vídeómyndir og söng. Er með helstu söngvara landsins á þessum myndböndum eins og Kristin Sigmunds, Diddú og Egil og Bubba. Þau syngja um þau fyrirbæri sem ég er að kynna því að á bak við textana eru sögur. Eitt ljóðið mitt fjallar um svæðið fyrir norðan Vatnajökul sem einmitt er að láta okkur vita af sér núna og á engan sinn líka í heiminum. Það heitir Kóróna landsins og er sungið af Diddú og Agli Ólafssyni. Bubbi syngur lagið Maður og hvalur. Bak við það er sagan af enska drengnum sem kom sérstaka ferð til Íslands til að sjá hval áður en hann dæi og sagan af Fjalla-Eyvindi og Höllu er í lögunum Flökkusál og Jól útlaganna. Þannig að hvert lag hefur sitt meginstef og er myndskreytt og sungið af eins góðu fólki og hægt var að fá.“ Mest lesið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið „Ég dreg mig í hlé og fer bara og stofna kaffihús“ Lífið Fataherbergið seldi henni íbúðina strax Tíska og hönnun Tróð upp í Norræna partýinu Lífið Gaman að geta grætt fólk á góðan hátt Lífið Fréttatía vikunnar: Lögreglan, körfubolti og frambjóðendur Lífið Gefi raunsanna mynd af stefnumótahremmingum trans kvenna Bíó og sjónvarp „Þetta styrkti mig rosalega en þetta braut mig líka“ Tónlist „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ Sjá meira
„Það var alþýðumaður úti í bæ sem hringdi inn í síðdegisútvarpið fyrir fjórum árum og kom með uppástungu um að gera afmælisdaginn minn að degi íslenskrar náttúru og áður en varði var bara búið að ákveða að svo yrði,“ rifjar Ómar Ragnarsson upp þegar honum er óskað til hamingju með daginn. Skyldi hann ekki hafa verið stoltur? „Ég átti bara ekki orð. Mest varð ég undrandi þegar ég fór að hugsa um að við værum búin að vera með dag íslenskrar tungu í næstum áratug áður en einhverjum datt í hug að íslensk náttúra gæti kannski verðskuldað dag.“ Ómar var bara átta ára þegar hann fékk óbilandi áhuga á Íslandi og náttúru þess og man þann dag. „Það var þegar ég sá símaskrána 1948 í fyrsta skipti,“ segir hann. „Símaskráin 1948 opnað mér nýja sýn á landið. Hún er áhrifamesta bók sem ég hef séð af því þar var kort af Íslandi með neti af símalínunum og líka kort af heiminum með yfirliti yfir helstu fjarskipti innan hans. Þetta var opinberun fyrir mig sem krakka og upp frá því varð ég alger landafræðinörd.“ Ómar er nýlega kominn úr þriggja vikna dvöl á gosstöðvunum norðan Vatnajökuls, þar sem hann bjó í húsbíl á Sauðárflugvelli. „Ég vildi fylgjast með gosinu og það var miklu auðveldara að vera á Sauðárflugvelli en annars staðar. Ég þurfti ekki nema að bregða mér á loft í tvær mínútur til að sjá hvað væri að gerast,“ útskýrir hann. „Völlurinn er með fimm brautir og er sá næststærsti á landinu á eftir Keflavíkurvelli, viðurkenndur og skráður með alþjóðastimpli. Það getur komið sér vel því allar vélar sem fljúga innanlands á Íslandi geta lent þar, meira að segja Fokker,“ segir hann. Eins og flestir vita er Ómar eins og alfræðirit um íslenska náttúru. Nú efnir Bókasafn Seltjarnarness til stefnumóts við hann í dag klukkan 17 í tilefni dagsins. Hvað skyldi hann ætla að spjalla um? „Þetta verða nánast eins og tónleikar með kynningum á milli. Í fyrra frumsýndi ég sjö mínútna stuttmynd sem heitir Íslands ljóð, ég geri ráð fyrir að sýna hana. Ég hef stundum farið í skóla með tæpan klukkutíma af spjalli um íslenska náttúru, vídeómyndir og söng. Er með helstu söngvara landsins á þessum myndböndum eins og Kristin Sigmunds, Diddú og Egil og Bubba. Þau syngja um þau fyrirbæri sem ég er að kynna því að á bak við textana eru sögur. Eitt ljóðið mitt fjallar um svæðið fyrir norðan Vatnajökul sem einmitt er að láta okkur vita af sér núna og á engan sinn líka í heiminum. Það heitir Kóróna landsins og er sungið af Diddú og Agli Ólafssyni. Bubbi syngur lagið Maður og hvalur. Bak við það er sagan af enska drengnum sem kom sérstaka ferð til Íslands til að sjá hval áður en hann dæi og sagan af Fjalla-Eyvindi og Höllu er í lögunum Flökkusál og Jól útlaganna. Þannig að hvert lag hefur sitt meginstef og er myndskreytt og sungið af eins góðu fólki og hægt var að fá.“
Mest lesið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið „Ég dreg mig í hlé og fer bara og stofna kaffihús“ Lífið Fataherbergið seldi henni íbúðina strax Tíska og hönnun Tróð upp í Norræna partýinu Lífið Gaman að geta grætt fólk á góðan hátt Lífið Fréttatía vikunnar: Lögreglan, körfubolti og frambjóðendur Lífið Gefi raunsanna mynd af stefnumótahremmingum trans kvenna Bíó og sjónvarp „Þetta styrkti mig rosalega en þetta braut mig líka“ Tónlist „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ Sjá meira