Gifti sig í Carolina Herrera

Söngkonan Jessica Simpson giftist unnusta sínum, fyrrverandi NFL-leikmanninum Eric Johnson, í Santa Barbara í Kaliforníu á laugardaginn.

Parið bauð um 250 gestum í veisluna, þar á meðal Ashlee Simpson, systur brúðarinnar, Jessicu Ölbu, Cash Warren og CaCee Cobb.

Jessica klæddist sérsniðnum brúðarkjól frá Carolina Herrera við athöfnina.

„Við erum í skýjunum með hamingjuna og ástina sem fylgir því að hafa bundist hvort öðru að eilífu. Að játast hvort öðru fyrir framan fjölskyldu, vini og það sem mikilvægara er, fyrir framan börnin okkar, er sú stund sem hefur verið fyllt mestri hamingju í lífi okkar,“ segja nýbökuðu hjónin í yfirlýsingu til tímaritsins People.

Jessica og Eric byrjuðu að deita fyrir fjórum árum en Eric bað hennar í nóvember árið 2010.

Þau eiga tvö börn saman, dótturina Maxwell, tveggja ára, og soninn Ace, eins árs.