Brjóstahaldari innblásinn af teiknimyndinni Frozen

Japanski undirfataframleiðandinn Triumph hefur sett á markað nýjan brjóstahaldara sem er innblásinn af teiknimyndinni Frozen sem slegið hefur öll met síðustu mánuði.

Brjósthaldarinn heitir Close Sister Bra og er hvítur, skreyttur snjókornum þegar hann er keyptur. Hann breytir hins vegar um lit og verður svartur þegar hann er í návígi við annan, samskonar brjóstahaldara.

Hægt er að kaupa hjartalaga púða til að setja inn í brjóstahaldarann fyrir þær konur sem telja sig þurfa meiri fyllingu. 

Close Sister-brjóstahaldarinn er ekki á vegum Disney sem framleiddi teiknimyndina en fyrirtækið kynnti hins vegar Frozen-brúðarkjól til sögunnar fyrir stuttu sem fáanlegur verður í verslunum Disney á næsta ári.