Hjartaknúsari úr Nágrönnum á leið til Íslands

Leikarinn Alan Fletcher, sem þekktastur er sem Dr. Karl Kennedy í sápuóperunni Nágrönnum sem verið hafa á dagskrá Stöðvar 2 undanfarna áratugi, er á leið til Íslands ásamt hljómsveit sinni Waiting Room. Nútíminn greinir frá.

Fletcher, sem er 57 ára gamall Ástrali, hefur leikið Karl Kennedy frá árinu 1994 þegar hann fór í áheyrnarprufu fyrir hlutverkið. Leikarar hafa komið og farið síðan en Fletcher hefur staðið vaktina sleitulaust í tuttugu ár. Hann er eiginmaður Susan og býr eðli málsins samkvæmt við Ramsay-götuna frægu.

Fletcher hafði reyndar komið við sögu í sjónvarpsþáttunum vinsælu árið 1987 í hlutverki hnefaleikakappans Greg Cooper.

Waiting Room hefur starfað í tíu ár en Fletcher er söngvari rokksveitarinnar. Hljómsveitin flytur bæði eigin lög og spilar sömuleiðis þekkta slagara. Hljómsveitin mun koma fram á tónleikum á Spot í janúar 2015.

Fletcher syngur um Susan í stað Alice Spurning hvað stuðningsmönnum Liverpool finnst um þennan flutning Fletcher í hlutverki sínu í Nágrönnum