Brasilía vann grannaslaginn

Brasilía vann Argentínu í æfingarleik sem fram fór í Kína í dag, en Diego Tardelli var hetja Brasilíu.

Tardelli kom þeim guklæddu yfir eftir 28. mínútna leik, en hann spilar með Atlético Mineiro í heimalandinu.

Argentína fékk vítaspyrnu á 40. mínútu og Lionel Messi steig á punktinn, en lét Jefferson verja frá sér. Þetta er þriðja vítið af síðustu fjórum sem Messi klikkar fyrir Barcelona og Argentínu.

Eftir tæpar tuttugu mínútur í síðari hálfleik var röðin aftur kominn að Tardelli, en hann skoraði þá eftir afar slæman varnarleik Argentínu.

Mikill hiti var í leiknum, en leiknum lauk með 2-0 sigri Brasilíu.