"Ástin í lífi mínu lést í gær“

Loretta Phillips Stamos, móðir leikarans John Stamos, er látin, 75 ára að aldri. John sagði frá því á Instagram í gær.

„Ástin í lífi mínu lést í gær á heimili sínu, umvafin börnum sínum og barnabörnum,“ skrifar John við gamla mynd af Lorettu haldandi á leikaranum þegar hann var kornungur.

„Hún var svo sannarlega einstök og lifir að eilífu í hjörtum okkar sem þekktum hana,“ bætir John við.

John biður þá sem vilja minnast móður sinnar að gefa pening í The Vanguard Cancer Foundation, góðgerðarsamtök sem stofnuð voru af móður hans. Hún missti bróður sinn úr krabbameini og er markmið samtakanna að umönnun krabbameinssjúklinga sé betri og persónulegri.