North West á fremsta bekk með foreldrum sínum

Stjörnuhjónin Kim Kardashian West og Kanye West láta sig að sjálfsögðu ekki vanta á tískuvikuna í París sem fer fram um þessar mundir. Að þessu sinni er eins árs dóttir þeirra hjóna, North West, með í för.

Litla North var senuþjófur á sýningu Balenciaga í gær þar sem hún sat í fangi móður sinnar á fremsta bekk. Meira að segja fór athyglin af nýstárlegri hárgreiðslu rapparans, en hann hefur rakað örvar í hársvörðinn á sér, yfir á North sem virtist skemmta sér vel.

Alexander Wang þykir vera að gera góða hluti sem yfirhönnuður hjá Balenciaga en sýningin féll í kramið hjá tískupressunni.