North átti ekki að heita North

Kim Kardashian var valin kona ársins af hinu breska tímariti GQ og prýddi forsíðu síðasta tölublaðs af því tilefni.

Í viðtalinu við tímaritið segir hún meðal annars frá því hvernig nafn frumburðar þeirra Kim og rapparans Kanye West, North West, kom til.

„Þetta var orðrómur í pressunni og við höfðum aldrei pælt í nafninu. Svo vorum við í hádegismat á Mercer-hótelinu í New York og Pharrell kom til okkar og sagði:

„Ætlið þið að skíra dóttur ykkar North? Það er besta nafn sem ég hef heyrt.“

Kardashian skýrði fyrir Pharrell að einungis væri um orðróm að ræða. Stuttu síðar kom tískumógullinn Anna Wintour að hjónunum og sagði við þau:

„North er dásamlegt nafn.“

„Við Kanye horfðum hvert á annað og hlógum. Þá var þetta ákveðið.“