Ég veit hvað þarf til að komast á toppinn

Dagur Sigurðsson er mikið í fjölmiðlum í Þýskalandi þessa dagana enda orðinn landsliðsþjálfari Þýskalands í handbolta.

Þjálfarinn hefur boðað breytta tíma hjá landsliðinu og er þegar farinn að yngja liðið upp.

„Ég trúi á það sem ég geri. Án þess að vilja hljóma hrokafullur þá tel ég mig geta breytt miklu hjá landsliðinu. Ég veit hvað þarf til að komast á toppinn," sagði Dagur í viðtali við þýska miðla.

Dagur er enn í leit að aðstoðarþjálfara en hann veit hvernig mann hann vill fá með sér.

„Ég vænti þess að ráða þýskan aðstoðarmann. Ég vil fá ungan og efnilega mann sem er opinn fyrir nýjum hugmyndum."