Bradley Cooper steikir hamborgara á Burger King

Verandi ein stærsta stjarna Hollywood þá mætti ætla að Bradley Cooper sé vanur fínustu veitingastöðunum en seinustu helgi skipti hann þó algjörlega um gír og fór að steikja hamborgara hjá Burger King í London.

Leikarinn fékk leiðsögn frá steikingakokkunum til þess að fullkomna sveifluna sem fylgir því að steikja hamborgara en allt er þetta undirbúningur fyrir hlutverk Cooper í væntanlegu bíómyndinni Adam Jones.

Stórstjarnan eyddi því sunnudagskvöldinu í að steikja hamborgara ofan í hungraða Lundúnarbúa en eyddi síðan mánudeginum í tökur fyrir bíómyndina.