Unnsteinn aflitar á sér hárið

Unnsteinn Manuel Stefánsson, söngvari hljómsveitarinnar Retro Stefson, setti mynd á Instagram-reikning sinn áðan þar sem hann situr í rakarastól og verið er að aflita á honum hárið. 

Unnsteinn, sem er vinsæll meðal kvenþjóðarinnar, skartar venjulega dökkum lokkum. Þetta er því talsverð breyting eins og sjá má á meðfylgjandi myndum.

Unnsteinn hefur vakið athygli fyrir silkimjúka rödd sína og vasklega framgöngu á sviði með hljómsveit sinni, en auk þess hefur hann undanfarið unnið með öðrum listamönnum á borð við Emmsjé Gauta, Sísý Ey og Steinda Jr.