Cara vill hlutverk í Star Wars

Ofurfyrirsætan Cara Delevingne þráir ekkert heitar en hlutverk í næstu Star Wars kvikmynd en fyrirsætan er mikill aðdáandi Stjörnustríðsins. Góðvinur hennar, leikarinn Domhnall Gleeson, fer með hlutverk í næstu mynd og hefur Cara beðið hann um að leggja inn gott orð fyrir sig.

„Cara er mikill aðdáandi Star Wars. Hún varð mjög afbrýðissöm þegar hún komst að því að hin nánast óþekkta leikkona Daisy Ridley hefði fengið hlutverk í myndinni. En það eru enn næg hlutverk í boði. Henni er sama hversu stór þau eru.“