Lífið

Jaden Smith og Kylie Jenner slá sér upp

Myndarlegt par.
Myndarlegt par.
Kylie Jenner og Jaden Smith eru nýjasta Hollywood-parið ef marka má slúðurmiðlana vestanhafs. Fjölmiðlar ytra hafa lengi velt vöngum yfir því hvort þau Kylie og Jaden væru að stinga saman nefjum og sagði sameiginlegur vinur þeirra, ástralski leikarinn Lincoln Lewis, í viðtali við útvarpsstöðina Kiis FM að þau væru að slá sér upp.

Lewis virtist þó hafa misst þetta út úr sér í viðtalinu því strax í kjölfarið sagði hann að ekkert væri staðfest í þessum efnum. Þau Kylie og Jaden sáust þó í innilegum faðmlögum í brúðkaupi Kim Kardashian og Kanye West í maí en Kim er eldri systir Kylie.

Móðir Kylie, Kris Jenner, greindi einnig frá því í nýlegu viðtali að Jaden væri í raun eins og sonur hennar. „Hann er besti strákur í heiminum. Við eigum mjög náið samband og mér finnst eins og hann gæti verið sonur minn."



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.