Í hverju er manneskjan eiginlega?

Glamúrmódelið Katie Price, áður þekkt undir listamannsnafninu Jordan, vakti heldur betur athygli þegar hún mætti í Worx-stúdíóið í London í dag að kynna nýja vöru sem fjarlægir háralit sem heitir ColourB4.

Katie var vægast sagt litrík til fara og liggur við að maður verði sjóveikur við að horfa á meðfylgjandi myndir og myndband.

Katie er alþjóðlegur sendiherra vörunnar og klæddi sig í alla liti regnbogans við þetta hátíðlega tilefni.

Síðustu vikur hafa verið erfiðar hjá Katie því upp komst fyrir stuttu að eiginmaður hennar til fimm mánaða, Kieran Hayler, hefði haldið framhjá henni.