Ummæli Grindvíkingsins Ólafs Ólafssonar í viðtali á Stöð 2 Sport í gær hafa verið mikið á milli tannanna á fólki í dag.
Þar líkti hann Grindavíkurliðinu við fermingarstelpur á túr. Internetið logaði í kjölfarið og vilja margir að Ólafi verði refsað fyrir þessi ósmekklegu ummæli.
"Við erum að vinna í þessu núna. Það verður tekin ákvörðun síðar í dag hvort eitthvað verði aðhafst í málinu. Við munum senda frá okkur tilkynningu," segir Hannes S. Jónsson, formaður KKÍ, við Vísi en það hefur verið brjálað að gera hjá honum síðan málið kom upp.
"Síminn hefur varla stoppað. Það er alls konar fólk að hringja utan úr bæ sem hefur sterkar skoðanir á þessu máli. Það er eiginlega ekki vinnufriður," segir Hannes og bætir við.
"Ég hef einnig fengið mikið af tölvupósti og þetta mál hefur átt hug okkar síðan í gær."
Ákveðið síðar í dag hvort það eigi að refsa Ólafi | Síminn stoppar ekki
Tengdar fréttir
Ólafur biðst afsökunar á ummælum sínum
Ólafur Ólafsson, leikmaður Grindavíkur í Dominos-deild karla í körfubolta, sér eftir ummælum sem hann lét falla eftir tap liðsins gegn KR í lokaúrslitum Íslandsmótsins í kvöld.
Ólafur: Eins og við kunnum ekki að spila körfubolta
Ólafur Ólafsson, leikmaður Grindavíkur, var bálreiður eftir 29 stiga tap Íslands- og bikarmeistaranna gegn KR í þriðja leik lokaúrslita Íslandsmótsins í körfubolta í kvöld.
Umfjöllun, viðtöl og myndir: KR - Grindavík 87-58 | Grindvíkingar rassskelltir
KR er komið yfir á ný í úrslitaeinvíginu um Íslandsmeistaratitilinn í körfubolta eftir að hafa rassskellt Grindavík 87-58 á heimavelli sínum í kvöld. KR leiðir einvígið 2-1.
