Styður pabba í kynleiðréttingarferlinu

Bruce Jenner hætti með sjónvarpskonunni Kris Kardashian í október en margt hefur breyst síðan þá. Hann undirbýr sig nú fyrir kynleiðréttingaraðgerð ef marka má fjölmiðla vestan hafs. Hann er byrjaður að safna hári og hefur gengist undir aðgerð sem nefnist „tracheal shave“ þar sem barkakýlið er minnkað. 

Þá hefur Bruce líka bætt sambandið við börnin sín úr fyrra hjónabandi.

„Hann hefur tekið fjölskyldu sinni og vinum fagnandi sem hann hefur ekki séð í mörg ár. Það er frábært,“ segir dóttir hans Cassandra Marino í samtali við tímaritið People.

Hún segist styðja hann í kynleiðréttingarferlinu þó þau hafi ekki rætt það mikið.

„Þetta er lífið hans og hann má gera það sem hann vill. Ef þetta er það sem hann velur að gera þá styð ég hann.“