Lést eftir mistök á hjúkrunarheimili: „Við vorum ekki á leiðinni að kveðja hann“

Maður lést vegna mistaka sem gerð voru við umönnun hans á hjúkrunarheimilinu Garðvangi í Garði nú fyrir mánaðamótin. Banameinið var rangur lyfjaskammtur, sem ætlaður var herbergisfélaga hans. Í kjölfarið var svo tekin ákvörðun um að gefa honum ekki mótefni og lést hann rúmri viku síðar.

„Við vorum ekki á leiðinni að kveðja hann,“ segja nánustu aðstandendur mannsins. Börnin hans hafa samúð með starfsmanninum sem gerði mistökin sem kostuðu líf föður þeirra og segja undirmönnun eflaust hafa sitt að segja.

Nánar verður fjallað um málið og rætt við aðstandanda mannsins í kvöldfréttum Stöðvar 2 í opinni dagskrá klukkan 18.30.