Kjaftstopp á blaðamannafundi Samsung

Kvikmyndaleikstjórinn Michael Bay, sem þekktur er meðal annars fyrir kvikmyndirnar Pain and Gain, Armageddon og Transformers-þríleikinn, komst í hann krappan á blaðamannafundi Samsung í gær þegar hann steig á svið til að lofsama nýtt sjónvarp frá tækniframleiðandanum.

Textavélin bilaði og reyndi leikstjórinn að spila af fingrum fram um stund, en allt kom fyrir ekki og á endanum varð hann kjaftstopp. Hann sá sér því ekki annan kost en að yfirgefa sviðið.

Þetta vandræðalega atvik náðist að sjálfsögðu á myndband og það má sjá í spilaranum hér fyrir neðan.