Trúlofuð eftir eins árs samband

Leikkonan Emma Roberts, 22ja ára, er búin að trúlofast kærasta sínum Evan Peters, 26 ára.

Emma og Evan leika saman í þáttunum American Horror Story og byrjuðu að deita vorið 2012. Þau trúlofuðu sig í New York yfir jólin en Evan gaf sinni heittelskuðu bleikan demantshring.

Parið komst í fréttirnar í júlí í fyrra þegar Emma var handtekin fyrir að leggja hendur á Evan. Þau rifust heiftarlega á hóteli í Montreal og kom til handalögmála. Emmu var sleppt eftir yfirheyrslu og virðist ást þeirra sterkari en fyrr.