Nektarmyndir af Lindsay Lohan á stolinni tölvu

Samkvæmt erlendum fjölmiðlum er Lindsay Lohan nú á nálum eftir að fartölvunni hennar var stolið á flugvelli í Kína á þriðjudag. Í tölvunni leynast víst nektarmyndir af Lohan og einkaskilaboð frá Woody Allen og Lady Gaga sem var ekki ætlað að verða opinberuð.

Lohan sagði frá því á Twitter-síðu sinni að tölvunni hafi verið stolið: „Mér fannst Kína æðislegt og vil þakka öllum fyrir gestrisnina, en samt stal einhver tölvunni minni.“

Lohan vinnur nú að plötu og er að skrifa æviminningar sínar. Hún hóf skrif á meðan hún var stödd í meðferð á síðasta ári. Talið er að bók Lohan verði ítarleg; hún muni fara yfir alla erfiðustu þætti lífs síns.