„Þú ert lík Kelly Rowland“

Beyoncé og Kelly Rowland skutu nokkrum stelpum skelk í bringu þegar söngkonurnar kíktu í karókípartý til þeirra.

Beyoncé og Kelly fóru á karókíbar í Miami ásamt Jay Z, Michelle Williams og fleirum. Hópnum var umsvifalaust vísað á VIP-herbergi staðarins, en Beyoncé og Kelly fóru í skoðunarferð um hin karókíherbergin.

Í einu herbergi sem þær litu við í var einn af gestunum sofandi. Hinir voru að syngja lag með Beyoncé. Fyrst þegar einni stelpunni var litið á Kelly Rowland sagði hún: „Þú ert lík Kelly Rowland.“ 

Svo varð henni litið á Beyoncé og sagði „Guð minn góður!“ Stelpurnar í partýinu tóku myndir af sér með Beyoncé og Kelly, og söngkonurnar stilltu sér líka upp á mynd með sofandi gestinum. 

Beyoncé, Kelly Rowland og Michelle Williams voru saman í hljómsveitinni Destiny's Child. Hér að neðan er hlekkur á myndband af þeim að syngja lagið Survivor á tónleikum.