Dekruð á meðgöngunni

Ellý Ármanns skrifar 9. janúar 2014 14:00

Hanna Rún Óladóttir, 22 ára dansari með meiru, er stödd í Rússlandi með unnusta sínum og dansfélaga, Nikita Bazev, 25 ára, sem tók meðal annars þátt í sjónvarpsþættinum Dancing with the stars en þau hafa náð frábærum árangri á heimsvísu þegar kemur að dansi.

Hvar í veröldinni eruð þið stödd núna? ,,Heyrðu, við ákváðum að vera á Íslandi hjá fjölskyldunni minni um jólin og fara svo 27. desember til Rússlands og vera með fjölskyldunni hans Nikita yfir áramótin. Það gengur alveg rosalega vel. Nikita stendur sig eins og hetja. Hann stjanar svoleiðis við mig og er svo duglegur að hjálpa mér."

Hann er alltaf að koma mér á óvart

Hvað ætlið þið að vera lengi í Rússlandi? ,,Við verðum hérna þangað til 16. janúar og þá kem ég til Íslands en hann fer beint til Portúgal og Úkraínu að kenna og kemur svo til Íslands 26. janúar. Það er æði að vera hérna. Hann kemur frá svo góðri fjölskyldu og þau öll svo náin eins og mín fjölskylda og mikil ást og umhyggja sem er í kringum mann á hverjum degi. Fjölskyldan hans er alveg yndisleg og það er farið með mig eins og prinsessu. Hann nuddar mig á hverju kvöldi og færir mér morgunmat í rúmið reglulega," segir hún glöð.

Hér er Hanna Rún gengin 16 vikur.Mynd/einkasafn

Barnið væntanlegt í maí eða júní

Hvernig líður þér og hvenær ertu sett? ,,Ég á að eiga í maí eða júní en er ekki búin að fá settan dag ennþá. Fyrstu tólf vikurnar hjá mér voru alveg rosalega erfiðar þar sem ég hélt engu niðri og var bara rúmliggjandi með mikinn hausverk, svima og flökurleika ásamt því að ég lenti í þvi að fá nýrnasteina," útskýrir Hanna Rún.

Er Nikita að hlúa vel að þér á meðgöngunni?,,Hann er sá allra rómantískasti. Hann er alltaf að koma mér á óvart. Hann for með mig í dýragarðinn og sirkus. Svo erum við búin að fara á allskonar söfn. Hann keypti miða á óperu á fremsta bekk 12. janúar og ég er mjög spennt."

Hvað með dansinn? ,,Ég er ekkert að keppa. Ég er bara að æfa smá. Við ætlum að keppa í ágúst. Við enduðum árið 2013 svo sterkt með að ná 16. sætinu á heimsmeistaramótinu í Berlin og ég gengin þrjá og hálfan mánuð á leið. Við ákváðum að byrja sterkt á mótinu í ágúst sem heitir Germany Open og er eitt stærsta og sterkasta mót sem haldið er í heimi," segir Hanna Rún.

Mest lesið

Fleiri fréttir

Mest lesið

Fleiri fréttir

Mest lesið

Tarot dagsins