Keflvíkingar unnu sannfærandi 21 stigs sigur á nágrönnum sínum í Njarðvík í TM-höllinni í Keflavík í kvöld og tókst um leið að vinna báða deildarleikina við Njarðvík í vetur en það hafði ekki gerst síðan 2005.
Keflavík vann dramatískan þriggja stiga sigur í fyrri leiknum í Njarðvík en í kvöld var það aldrei spurning hvar sigurinn myndi lenda. Keflavík vann fyrsta leikhlutann 30-14 og var með góð tök á leiknum eftir það.
Þetta er í fyrsta sinn síðan tímabilið 2004-2005 sem Keflavík nær að vinna báða leikina við nágranna sína en Njarðvík hafði þrisvar sinnum unnið báða leikina á þessum tíma þar á meðal á síðustu leiktíð.
Síðan núverandi deildarfyrirkomulag var tekið upp tímabilið 1996-97 hefur Reykjanesbæjarliðunum átta sinnum tekist að ná fullu húsi á móti nágrönnum sínum. Njarðvíkingar hafa þar enn forystuna; 5-3.
Deildarleikir á milli Keflavíkur og Njarðvíkur:
2013-14: Keflavík 2-0
2012-13: Njarðvík 2-0
2011-12: Jafnt
2010-11: Jafnt
2009-10: Jafnt
2008-09: Njarðvík 2-0
2007-08: Jafnt
2006-07: Njarðvík 2-0
2005-06: Jafnt
2004-05: Keflavík 2-0
2003-04: Jafnt
2002-03: Njarðvík 2-0
2001-02: Keflavík 2-0
2000-01: Jafnt
1999-2000: Njarðvík 2-0
1998-99: Jafnt
1997-98: Jafnt
1996-97: Jafnt
