P Diddy kaupir Tekíla vörumerki

Rapparinn P. Diddy hefur nú keypt hlut í Tekíla vörumerkinu DeLeon og á því fimmtíu prósenta hlut í vörumerkinu, ásamt breska fyrirtækinu Diageo. Rapparinn er því enn og aftur að fjárfesta í áfengisvörumerki ásamt Diageo PLC en í eigu þeirra er einnig vodka vörumerkið Ciroc.

„Með tilkomu Ciroc byrjuðum við saman en með DeLeon giftumst við. Þetta er frábær samningur sem gerir mig að alvöru eiganda,“ sagði P Diddy léttur í lundu.

Síðan hann keypti Ciroc vodka vörumerkið árið 2007, hefur salan aukist svo um munar eða allt að fjörutíu-faldast. Larry Schwartz, forseti Diageo North America er himinn lifandi með enn eitt samstarfi með rapparanum.

DeLeon skiptist í fimm mismunandi tegundir af tekíla og er verðið á DeLeon flösku á verðbilinu 14.000 krónum til 117.000 króna. Diddy er þó ekki fyrsti þekkti einstaklingurinn sem fer í tekíla bransann því tónlistarmaðurinn Justin Timberlake á hlut í 901 tequile og leikarinn og hjartaknúsarinn George Clooney á hlut í Casamigos tequila.