Britney vinsælust

Söngkonan Britney Spears var stórglæsileg þegar hún var valin vinsælasti popparinn á verðlaunaafhendingunni People's Choice Award í gærkvöldi eins og sjá má á myndunum. Hún tileinkaði verðlaunin sonum sínum tveimur og aðdáendum sem kusu hana.

,,Vá, þetta er meiriháttar. Ég bjóst alls ekki við þessu," sagði Britney þegar hún tók við viðurkenningunni.

Þetta var í fyrsta sinn sem hún mætti með kærastann David á opinberan viðburð. 

Kjóllinn sem Britney klæddist er eftir Mikael D. og skórnir frá Giuseppe Zanotti.