Þetta fá gestir Óskarsins að gjöf

Óskarsverðlaunin fara fram 2. mars og bíða margir spenntir eftir þeim. Það er venja að þeir sem tilnefndir eru fá gjafapoka, hvort sem þeir vinna eður ei, og eru þessir pokar ávallt mjög veglegir.

Í ár er verðmæti hvers poka um 55 þúsund dollarar, rúmlega sex milljónir króna. Í honum má meðal annars finna lúxuskonfekt, svissnesk úr, Jan Lewis-armbönd, frí til Kanada, Mexíkó og Japan.

Þá geta þeir sem fá gjafapokana einnig gefið tíu þúsund máltíðir til dýraathvarfs að eigin vali en máltíðirnar eru frá Halo, fyrirtæki Óskarsverðlaunakynnisins Ellen DeGeneres.